Školānus aicynoj pīsadaleit jaunūs vokalistu konkursā “Skaņais bolss”
Rokstu sagataveja: portals lakuga.lv
Izsludynuota pīsateikšona VIII jaunūs vokalistu konkursam “Skaņais bolss”, viestej informaceja Juoņa Ivanova Rēzeknis muzykys vydsškolys sātyslopā. Konkursā aicynuoti pīsadaleit Latgolys muzykys školu i vyspuorizgleitojūšūs školu audziekni vacumā nu septeņu leidz pīcpadsmit godu.
Itūgod konkurss nūtiks attuolyunuotai, kod 5. aprelī žureja izviertēs īprīkš videoformatā īsyuteitūs skaņdorbus. Dalinīkim juoīsyuta vīns video, kurā tī izpylda div dažaida rakstura skaņdorbus. Vīnai nu tūs obligati juobyut latgalīšu tautysdzīsmis apdarei nu 2020. godā sagataveituo “Skaņais bolss” kruojuma, kurs daīmams ITE. Ūtrais ir breivuos izvielis skaņdorbs, kuram juobyut atbylstūšam konkursa dalinīka vacumam i spiejom. Vaira informacejis par konkursu var atrast tuo nūlykumā.
Dasacejuma anketa ar saiti iz YouTube īvītuotu video juoīsyuta leidz 22. martam. Anketu var atrast ITE.
