Rokstu sagataveja: portals lakuga.lv

Aizvadeits skotuvis runys konkurss “Vuolyudzāni” i vaļsts atkluotuo olimpiade latgalīšu rokstu volūdā i kulturviesturē, informej Latgalīšu volūdys, literaturys i kulturviesturis školuotuoju asociacejis (LVLKŠA) vadeituoja Veronika Dundure.

Konkursā pīsadaleja 45 vuolyudzāni nu 26 školu. Žurejis komiseja izviertēja i pīškeira vītys pa klašu grupom: 1. – 4.kl. grupā ir divejis 1.vītys, divejis 2.vītys i divejis 3.vītys; 5. – 8.kl. grupā i 9. – 12.kl. grupā ir pa divejom 3. vītom.  Konkursa viertietuojis dzejneica Anna Rancāne i režisore Māra Zaļaiskalns soka paļdis vysim bārnim i školuotuojim, tim, kuri padūmuoja par pīmāruotu repertuaru, par volūdys skaidreibu, par vītys nūformiejumu (fonu, apgierbu). Vysvaira audziekni izalaseja skaiteit Mariju Dzeislu, Ontonu Kūkuoju, Ilzi Keišu, Anneli Slišāni, Raibū, Ilzi Spergu, Egitu Kancāni i, prūtams, Ontonu Slišānu.

Rēzeknis 5. vydsškolai:

1.v. – Marekam Gusānam, šk. B. Trimalniece,

2.v. – Evelīnai Raginskai, šk. A. Andrejeva,

3.v. – Amēlijai Grebežai, šk. A. Andrejeva i Katrīnai Lagzdiņai, šk. B. Trimalniece;

Kruoslovys gimnazejai:

2.v. –  Arturam Ozoliņam, šk. I. Krute i Annai Gubai, šk. I. Stikute;

 Ruguoju vydsškolai:

 3.v. – Osvaldam Tūmiņam i Gabrielai Lailai Aleksejevai, šk. N. Garā;

 Solys pamatškolai:

 2.v. – Reinim Pastaram, šk. I. Pastare;

 Ludzys piļsātys gimnazejai :

1.v. – Laurai Mortuzānei, šk. L. Budreviča;

Baļtinovys vydsškolai :

1.v. – Helēnai Slišānei, šk. I. Kaša;

 Viļānu Muzykys i muokslys školai:

3.v. – Artim Zvīdriņam, šk. A. Vulāne;

 Tukuma E. Birznieka-Upīša vydsškolai:

1.v. – Demiteram Vistopolam, 3.v. – Romualdam Vistopolam, šk. T. Balode;

Reigys PII “Annele” : žurejis simpateju bolva – Alisei Cimoško, šk. I. Seimanova.

21. vaļsts atkluotajā latgalīšu volūdys i kulturviesturis olimpiadē šūgod beja četrys kuortys. 1. kuortā školāni atkluoja sovys prasmis latgalīšu rokstu volūdys pareizraksteibā, 2. kuorta beja veļteita Mikeļa Bukša jubilejai, 3. kuortā vydsškolāni analizēja Valentina Lukaševiča esejis nu kruojuma “Casnāgu maizeitis”, bet 4. kuortā beja Latgolys kulturtests, kū sagataveja latgalīšu kulturys ziņu portals lakuga.lv, par latgaliskajom aktivitatem 2021. godā. Pyrmū reizi itūgod olimpiadē pīsadaleja Rībeņu vydsškola.

Vītys olimpiadē sadaleja itai:

1.v. – Rēzeknis Vaļsts gimnazejai (Mairis Ladusāns, Linards Munda, Igunda Logina, Santa Zunda, Abuzours Omars), šk. E. Muizniece

2.v. – Nautrānu vydsškolai (Saiva Karmena Magiča, Rolands Laizāns, Āris Rancāns), šk.V. Dundure

3.v. – Ludzys piļsātys vydsškolai (Sanda Augustova, Maija Rancāne, Laura Mortuzāne, Alise Alitkina, Rasma Vonda), šk. L. Budreviča i Rībeņu vydsškolai (Lauris Bjalkovskis, Vadims Baluhto, Andrejs Vinogradovs, Lāsma Jurkāne, Evija Bergmane – Sprūdža, Dana Patrejeva) šk. D. Bravacka.

LVLKŠA izsoka pateiceibu vysim šķoluotuojim, kas veļteja sovu laiku uorpusstuņžu nūdarbeibuom i pīsadaleja ar sovim audzieknim itymūs pasuokumūs, kai ari cer cytu godu sasatikt kluotīnē!