Rokstu sagataveja: portals lakuga.lv

Pīduovojam skaiteituojim dzejnīka i atdzejuotuoja Eināra Pelša dorbus latgaliski. Literaturys pasaulī jis zynoms kai nūzeimeiguokais taidys dzejnīku grupys kai Preiļu konceptualisti dalinīks. Taišni ar Pelša kruojumim “Mīļākais tētis pasaulē” (2016) i “Condom” (2017) Latvejā aizasuoce konceptualuos dzejis uzplaukums. Beidzamajūs godūs sadarbeibā ar gruomotu izdevieju Valteru Dakšu izdūtys vysaiduokys naparostys Pelša gruomotys, par pīmāru, “Janka”, kas beiguos izaruoda ceglys, voi “Gramota”, kas ir cīši specifisks gūda roksts. 2020. goda beiguos izguoja da ituo apjūmeiguokuo Eināra Pelša dzejis gruomota “Digi dīgi”, kurā atseviška nūdaļa veļteita ari dzejūlim latgaliski.

Eināra Pelša dzejā (itūreiz jis tū parakstejs kai Einarka Peļšs) cīši lela nūzeime ir ari tuos vizualajam izskotam, partū publicejam tū, kai jis pats soka, biļdeišu formatā. Taipat saglobuota ari autora raksteiba, kas naatbylst oficiali pījimtajom latgalīšu rokstu volūdys normom.