Izdūta gruomota par gareidznīku Viktoru Terenkeviču

Izdūta gruomota par gareidznīku Viktoru Terenkeviču

Rokstu sagataveja: portals lakuga.lv

Latgolys Kulturys centra izdevnīceibā izguojuse prīstera Vitālija Filipenoka sastuodeituo gruomota “Garīdznieks Viktors Terenkevičs”. 3. septembrī Pasīnē paradzāta ari tuos prezentaceja.

Viktors Terenkevičs (19071951) beja publicists, zynuotnīks i katuoļu pravests. Jis dzims myusu dīnu Ludzys nūvoda Zalesjis pogosta Gumniščis cīmā (agruok tys atsarads Pasīnis pogostā), vuicejīs Reigys Gareigajā seminarā i Latvejis Universitatē, kur dabuojs dobyszineibu magistra gradu.

Terenkevičs kolpuojs par prīsteri Aglyunys dekanata Bieržgaļa bazneicā, tymā laikā pietejūt ari Rušyuna azara floru, piečuok nailgi bejs Ludzys dekans, tod profesors Reigys Gareigajā seminarā i veiskupa Kazimira Duļbinska sekretars. Jis ari publiciejs rokstus “Zīdūnī”, “Olūtā” i cytūs izdavumūs par dobys zynuotnem, īvārojamim zynuotnīkim.

Gareidznīks 1950. godā tyka arestāts par sakarim ar nacionalajim partizanim. Godu vāluok Reigys centralcītumā jis ari mirs.

Gruomotys par Viktoru Terenkeviču prezentaceja paradzāta 3. septembrī 15.00 stuņdēs Pasīnis kulturys nomā. Tuos laikā byus vareiba vaira izzynuot par V. Terenkeviču, īsaguoduot gruomotu i aizdūt vaicuojumus tuos autoram.

Kalenders

Mar
14
Pīk
14:00 Seminars par Latgolys kulturys p... @ tīšsaistē
Seminars par Latgolys kulturys p... @ tīšsaistē
Mar 14 @ 14:00 – 15:00
Latgolys regiona atteisteibys agentura izsludynuojuse Vaļsts kulturkapitala fonda mierkprogramys “Latvīšu viesturyskūs zemu atteisteibys programa” projektu konkursā atbaļsteituos Latgolys kulturys programys 2025 regionalūs kulturys projektu konkursu. Informativais seminars par projektu konkursu nūtiks 14. martā 14.00 stuņdēs,[...]