Latgalīšu rokstu volūdys nūdarbeiba VI
Rokstu sagataveja: bīdreiba “LgSC”
Bīdreiba “LgSC” sadarbeibā ar latgalīšu kulturys ziņu portalu lakuga.lv turpynoj aicynuot iz latgalīšu rokstu volūdys tīšsaistis bezmoksys nūdarbeibom, kab kotrys interesents varātu izzynuot vaira par latgalīšu rokstu volūdu i īsavuiceit tuos pamatprincipus.
27. septembrī 19.00 sastuo nu ostoņu nūdarbeibu, tai leidza sekuot var tīšraidē ITE (bīdreibys “LgSC” profilā socialajā teiklā Facebook), kai ari pīsaslēgt ZOOM variantā ar saiti ITE. Piečuok nūdarbeiba ir nūsaverama ari “LgSC” kanalā YouTube i īroksts palīk ari Facebook.
Latgalīšu rokstu volūdys nūdarbeibys voda vīna nu zynūšuokūs latgalīšu rokstu volūdys specialistu, latgaliskūs gruomotu korektore, pīredziejuse volūdys nūdarbeibu vadeituoja i volūdys eksperte Muora Mortuzāne-Muravska.
Sastuo nūdarbeiba veļteita darbeibys vuordu lūceišonai. Ite zamuok byus daīmams tests, kurā varēs puorbaudeit, cik itūreiz nūdarbeibā labi saprasta tema.
Volūdys nūdarbeibys rudiņa periodā byus vēļ ari 11. oktobrī i 25. oktobrī. Pyrmuos pīcys volūdys nūdarbeibys var nūsavērt ite:
Latgalīšu rokstu volūdys kursu nūtikšonu finansiali pabolsta Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu.
Sastuos nūdarbeibys temys pošpuorbaudis tests:
Results
#1. Kai pareizi pīroksta darbeibys vuorda “raksteit” formu trešuos personys (jī, juos) paguotnē?
#2. Kai pareizi pīroksta darbeibys vuorda “īt” formu trešuos personys (jī, juos) paguotnē?
#3. Pīroksti vuorda “kruot” pareizū formu: Mes niu ____ naudu jaunai mašynai.
#4. Pīroksti vuorda “nest” pareizū formu: Mes ____ iz sātu pīcys gordys kanieļmaizeitis
#5. Kurys ir vuorda “ceļt” pareizuos formys itymā teikumā: Bruoļs ___ mani i tod es ____ sevi nu gultys.
#6. Pīroksti vuorda “mest” pareizū paguotnis formu: Ai, ___ šudiņ dorbam mīru i suokšu reitu nu jauna.
#7. Pīroksti vuorda “braukt” pareizuos formys: Niu es ____ iz sātu. Vakar es ____ iz universitati.
#8. Pīroksti vuorda “likt” (tagadnē) pareizū formu: Mes _____maizi iz golda.
#9. Pīroksti vuorda “grīzt” pareizū formu: Padūd, lyudzu, maņ nazi, _____ maizi!
#10. Kai pareizi pīroksta darbeibys vuorda “saceit” formu trešuos personys (jī, juos) paguotnē?
