TESTS: Kū tu zyni par Latgolys muzeju kruojumu duorgumim?
Portals lakuga.lv nu ituo gods juņa aizsuocs rokstu sereju, kurā reizi mienesī īpazeist kaidu Latgolys muzeju i tuo kruojuma duorgumus. Asam bejuši gostūs jau pi sešu nu kūpumā paradzātūs desmit muzeju, partū pīduovojam atbiļdēt iz testa vaicuojumim, kab vēļreiz atsavārtu iz Latgolys muzeju kruojumu eipašūs vierteibu.
Results
Stuostus par vysu muzeju duorgumim var puorskaiteit ITE
Stuostus par vysu muzeju duorgumim var puorskaiteit ITE
#1. Filozofu, dzejnīku i religeju pietnīku Robertu Mūku, kuram veļteits muzejs Gaļānūs, dzeivis laikā beja gryuši īsadūmuot bez tabakys moka šnūreitē par placu. Peipu jam bejs cīši daudz, tok dzeivis nūgalē, kod uorsti jam peipiešonu aizlīguši, Mūks lyudzs sīvai vysys peipis izsvīst, kab jū navastu grākā. Puori palykušuos peipis niu var apsavērt Roberta Mūka muzejā. Cik jūs tī ir?
Vaira par Roberta Mūka muzeju Gaļānūs vari izzynuot ite: https://www.lakuga.lv/2022/06/30/peipis-rokstomgolds-i-mucena-roberta-muka-muzeja-kruojuma-duorgumi/
#2. Par unikaluokū Ludzys nūvodpietnīceibys muzeja Breivdobys i etnografejis nūdalis objektu teik skaiteita dyumustoba, kū var dateit ar 19. godu symta pyrmū catūrksni. Tei iz muzeju puorvasta nu Isnaudys pogosta. Cik ilgi itei viesturiskuo sāta, kurai nav škūrstyna, partū ka vysi dyumi nu cepļa tyka izlaisti pa durovom, tyka apdzeivuota?
Vaira par Ludzys Nūvodpietnīceibys muzeju vari izzynuot ite: https://www.lakuga.lv/2022/07/29/dyumustoba-reja-i-jaunsaiminika-sata-ludzys-muzeja-uora-ekspozicejis-duorgumi/
#3. Jaunuokais Ludzys nūvodpietnīceibys muzeja Breivdobys i etnografejis nūdalis objekts ir jaunsaiminīka sāta, kas puorvasta nu Mērdzinis pogosta Avīšu (niu Avīši atsarūn Pušmucovys pogostā). Tuos eipašnīki bejuši kaida īvārojama latgalīšu dzejnīka i sabīdryskuo darbinīka bruoli. Kura?
Vaira par Ludzys Nūvodpietnīceibys muzeju vari izzynuot ite: https://www.lakuga.lv/2022/07/29/dyumustoba-reja-i-jaunsaiminika-sata-ludzys-muzeja-uora-ekspozicejis-duorgumi/
#4. Fraņča Trasuna muzejā “Kolnasāta” apsaverams ari īspaideigs Trasunu dzymtys kūks. Cik daudz cylvāku tymā īkļauti?
Vaira par Fraņča Trasuna muzeju “Kolnasāta” vari izzynuot ite: https://www.lakuga.lv/2022/08/30/franca-trasuna-dzymtuo-sata-muzeja-kolnasata-leluokais-duorgums/
#5. Bolvu Nūvoda muzejs par vīnu nu sovu leluokūs duorgumu sauc kaidam nūvadnīkam veļteitu kolekceju, kū piec juo nūīšonys myužeibā muzejam duovuojuse juo atraitne. Kai sauc itū nūvadnīku, kurs bejs pyrmais Latvejis militarais atašejs ASV, Krīvejā i Kanadā, kai ari pyrmais Nacionaluos aizsardzeibys akademejis rektors?
Vaira par Bolvu Nūvoda muzeju vari izzynuot ite: https://www.lakuga.lv/2022/09/30/zimellatgolys-namaterialais-kulturys-montuojums-v-matisa-kolekceja-i-mamuta-ilknis-bolvu-muzeja-kruojuma-duorgumi/
#6. Bolvu Nūvoda muzeja arheologejis kolekcejis leluokuo pērle ir mamuta ilkņa fragments, kas sasaglobuojs nu akmiņa laikmata. Kurā godā tys tyka atrosts?
Vaira par Bolvu Nūvoda muzeju vari izzynuot ite: https://www.lakuga.lv/2022/09/30/zimellatgolys-namaterialais-kulturys-montuojums-v-matisa-kolekceja-i-mamuta-ilknis-bolvu-muzeja-kruojuma-duorgumi/
#7. Skryndu dzymtys muzejā ir eipašs stuosts par kaidu Ontona Skryndys lokalizātu lugu, kurys izdavums ir bibliografisks ratums, kuruo nav pat Latvejis Nacionalajā bibliotekā. Itū nalelū gruomateņu muzejam izduovuojuse Lideja Leikuma, piec tam, kod muzeja specialiste par tū apsavaicuojuse Facebook. Par kuru Ontona Skryndys lugu ite teik stuosteits?
Vaira par Skryndu dzymtys muzeju Vabalē vari izzynuot ite: https://www.lakuga.lv/2022/10/28/muizys-lampa-ontona-skryndys-luga-i-eipasys-kartenis-skryndu-dzymtys-muzeja-kruojuma-duorgumi/
#8. Divejis Skryndu dzymtys muzeja kruojumā asūšys fotografejis aiz seve globoj stuostu par tū, deļkuo kaidai nu Latvejis školu ir dūts bruoļu Skryndu vuords. Kur atsarūn itei škola?
Vaira par Skryndu dzymtys muzeju Vabalē vari izzynuot ite: https://www.lakuga.lv/2022/10/28/muizys-lampa-ontona-skryndys-luga-i-eipasys-kartenis-skryndu-dzymtys-muzeja-kruojuma-duorgumi/
#9. Kai sauc itū Leivuona stykla muzejā apsaveramū trauku komplektu?
Vaira par Leivuona Stykla muzeju ite: https://www.lakuga.lv/2022/11/15/diplomats-austrumi-i-breiveibys-piminekla-flizis-leivuona-stykla-muzeja-kruojuma-duorgumi/
#10. Vīns nu Leivuona stykla muzeja duorgumu ir Breiveibys pīminekļam taiseitys flizis. Tuos Leivuona stykla fabrika ražuojuse pat divejis reizis. Kod tys nūtyka?
Vaira par Leivuona Stykla muzeju ite: https://www.lakuga.lv/2022/11/15/diplomats-austrumi-i-breiveibys-piminekla-flizis-leivuona-stykla-muzeja-kruojuma-duorgumi/
Par vysim muzejim var puorskaiteit ITE.
