Rokstu sagataveja: portals lakuga.lv

Laura Bicāne goda suokumā publiskuojuse jaunu dzīsmi “Tikai Dīvā atsadus, muna dvēsele” ar vuordim nu 62. psalma. Laura stuosta, ka itys ir juos jaunuokais gora dorbs i cīši prīcojās par iznuokumu.

“Vysupyrma maņ beja jauna pīredze sacerēt ituos dzīsmis melodeju, napīspielejūt kluot nikaidu instrumentu. Tū es darieju apzynuoti, akordus pīmeklieju piec tam. Taipat ari jauna prakse maņ ir sadarbeiba ar muzikim soundbetter.com platformā. Īrokstā klavīru parteju izpylda itāļu muziks Emanuele Filippi, sovukuort steigu partejis – Alejandro Comes nu Argentinys. Ar itū skaniejumu gribieju panuokt svātsvineigu nūskaņu. Asu puorlīcynuota, ka tys ir izadevs. I puori vysam – lai iz klauseituojim runoj dzīsmis spieceigais viestiejums – tik Dīvā ir atrūnams sirdsmīrs un gluobeņš,“ par dzīsmi viestej Laura. Jei ari atkluoj, ka aktivi struodoj pi jaunu dzīšmu i īrokstu. Dreizumā Laura cer izdūt singlu vuocu volūdā.