Rokstu sagataveja: portals lakuga.lv

Itūgod Aglyunys bazilikā Vysusvātuokuos Jaunovys Marijis Dabasūs uzjimšonys svātki byus nu 11. da 15. augusta. Aglyunys bazilika ir Latvejis katuolicisma centrs i pasauļa nūzeimis svātvīta.

Vizeja par bazneicu ar boltim tūrnim

1697. godā Viškovys (niulejuo Aglyuna) muižys eipašneica Eva Justīne Šostovicka (dz. Selicka) ar tūreizejuo Livonejis veiskupa Nikolaja Poplavska (1683–1709) atbolstu aicynuoja Viļnis dominikaņus izveiduot Aglyunā klūsteri i draudzis školu. Muižnīki dominikanim duovynuoja zems eipašumus i apsajāme uzceļt bazneicu, klūsteri i nūdrūsynuot atbylstūšus dzeivis apstuokļus divpadsmit dominikaņu tāvim.

1700. godā tyka izcalta pyrmuo kūka bazneica. 1751. godā tū svineigi īsvieteja Livonejis veiskups Jezups Dominiks Puzina (1741–1752), veļtejūt tū Vysusvātuokuos Jaunovys Marijis dabasūs uzjimšonys gūdam.

1768. godā dominikani suoce ceļt jaunu myura klūsteri i bazneicu īprīškejuos bazneicys vītā (cyti autori roksta par guņsgrāku, tok nav skaidru viesturisku olūtu, kas aplīcynuotu, ka kūka ākys byutu nūdagušys). Vīnlaikus sūpluok bazneicai tyka uzsuokta ari jaunys myura ākys ceļšona klūstera vajadzeibom. 1780. godā niulinejuo Aglynys bazilika tyka pabeigta, vys nuokušajūs desmit godūs dominikani tū lobīkuortuoja i izgreznuoja atbiļstūši sovai īcerei – taisūt tū par arhiveiskupa katedrali.

1800. godā jaunū myura bazneicu īsvietej Mogilevys metropolita paleigveiskups Juoņs Benislavskis Vysusvātuokuos Jaunovys Marijis dabasūs uzjimšonys gūdam.

Ir sasaglobuojs nūstuosts, ka itymā apvydā kaidai kolpyunei Annai pasaruodejuse Jaunova Marija ar Jezus bārnu. Meitine tū izstuostejuse tāvam Remigijam, kurs, tamā pošā vītā lyudzūtīs, redziejs vizeju: boltu bazneicu ar divejim tūrnim. Itī nūtykumi ari pamudynuojuši ceļt bazneicu Dīvamuotis gūdam. Dreiži piec bazneicys izceļšonys, iz bazneicu suoce īt pyrmī svātceļnīki.

1980. godā, atzeimejūt bazneicys 200. jubileju, pavests Juoņs Puovuls II tai pīškeire mozuos bazilikys – “Basilica minoris” – titulu. 1993. godā pavests ari personeigi gasteja bazilikā, sovpus 2018. godā ite beja atbraucs niulinejais pavests Francisks.

Ituo gods svātku informaceja

Ituo gods svātku apmaklātuoju ierteibai, SIA “Autotransporta direkcija” informej, ka ir veiktys izmainis viļcīņu kusteibys maršrutā Reiga–Daugovpiļs:
14. augustā byus nūreikuots viļcīņs Nr. 706 plkst.14.01 nu Reigys iz Aglyunu;
15. augustā byus nūreikuots viļcīņs Nr. 705 plkst.16.30 nu Aglyunys iz Reigu.

Vysusvātuokuos Jaunovys Marijis Dabasūs uzjimšonys svātku programa

11. augusts – Sliminīkim veļteita dīna

11.00 Rūžukrūņs Bazilikā voi pi Bazilikys duorza oltora
12.00 Dīnys Svātuo Mise par sliminīkim pi Bazilikys duorza oltora
12.00 Dīva žieļsirdeibys krūneits
19.00 Vokora svātuo Mise Dīvamuotis gūdam pi Bazilikys duorza oltora.

12. augusts – Saimem veļteita dīna

11.00 Rūžukrūņs Bazilikā voi pi Bazilikys duorza oltora
12.00 Svātuo Mise par saimem pi Bazilikys duorza oltora
15.00 Dīva žāļsirdeibys krūneits
19.00 Svātuo Mise pi Bazilikys duorza oltora.

13. augusts
10.00 Svātuo mise pi Bazilikys duorza oltora
11.00 Rūžukrūņs Bazilikā voi pi Bazilikys duorza oltora
12.00 Svātuo Mise pi Bazilikys duorza oltora
15.00 Dīva žāļsirdeibys krūneits.

Svātuo Meinarda svieteišona

19.00 Svātuo Mise pi Bazilikys duorza oltora
24.00 Svātuo Mise Bazilikā.

14. augusts

10.00 Svātuo Mise Bazilikā
11.00 Rūžukrūņs Bazilikā voi pi Bazilikys duorza oltora
12.00 Svātuo Mise pi Bazilikys duorza oltora
15.00 Dīva žieļsirdeibys krūneits
15.15 Katehēze Bazilikys kriptā
16.00 Svātuo Mise Bazilikā pi Dīvamuotis oltora.

Vysusvātuokuos Jaunovys Marijis Dabasūs uzjimšonys obligatuos svineibys

18.30 Vesperis pi pavesta oltora
19.00 Svātuo Mise. Īstyprynuošona, euharistiskuo proceseja, svieteiba ar Vysusvātuokū sakramentu pi pavesta oltora
22.00 Tautys krystaceļš Bazilikys sakralajā laukumā
23.30 Pusnakts Svātuo mise pi pavesta oltora.

15. augusts

07.00 Svātuo Mise latgaliski Bazilikā pi Dīvmuotis oltora
09.00 Svātuo Mise ar īstyprynuošonu pi Bazilikys duorza oltora
10.00 Svātuo Mise Bazilikys kriptā
11.00 Rūžukrūņs pi pavesta oltora
12.00 Svātku golvanuo Svātuo Mise V.J.M. litaneja, euharistiskuo proceseja, Te Deum, svieteiba ar Vysusvātuokū sakramentu Bazilikā pi pavesta oltora
Vaļsts himna.

15.00 Svātku nūslāgums
19.00 Svātuo Mise Bazilikā.