Ligija Purinaša ir dzejneica, kas, saglobojūt pošys radeitū autentiskumu, dzeivoj i struodoj Latgolys regionā. Juos pyrmais dzejis kruojums “Sīvīte” (2019) izapeļneja sabīdreibys īviereibu i godu piečuok, 2020. godā, juos teksti tyka īkļauti bilingvalajā dzejis antologejā “Pādejais Modeļs/The Last Model” (tulk. Jayde Will), kas tyka izdūta Londonā. 2022. godā izguoja juos dzejis kruojums “pierobežas”. Ligijis dzeju var puorskaiteit ITE.

Ineta Atpile-Jugane ir septeņu dzejis gruomotu autore “Neatburtā uguns” (2001), “Reveranss. Sarkans uz sarkana (2008), “Otkon giunu sapynus” (2015), “Mūdynuot muokuļus (2017), “Lobuo i nalobuo” (2019), “Burtu vuoceleite” (2021), “Spuornu golu šolks” (2021). Inetys dzeju var puorskaiteit ITE.

Mārīte Slišāne, kurys dzymtuo puse ir Bolvu nūvoda Upīte, ir 2022. gods septembrī nūtykušuo pyrmuo dzejis slama latgaliski “Rogovkys dzejis voga” uzvarātuoja. Mārītis dzeju var puorskaiteit ITE.

Marija Dzeisla – tys ir pseidonims, aiz kuruo nav juomeklej personeiba, bet gon plyustūša identitate, kas puorsamej atkareibā nu viestejuma i pat spiej puorsavītuot laikā. Autors, kurs sovu personeibu grib paturēt nūslāpumā, dzeislinīkā koncentrejās iz asameibu ite i tān, akcentejūt jū taidu, kaida jei veidojās sasaistē ar viesturi, dzymtu, vītu cauri laikim. 2021. godā izguoja Marijis Dzeislys dzejis kruojums “vysta smierts”. Marijis dzeju var puorskaiteit ITE.

Raivis Pudenko dzims i audzs Rēzeknē, tok niu dzeivoj Reigā. Nūpītni suocs raksteit ap 2020. godu, interesi par dzeju atdzeivynuoja Ronalda Brieža vadeitais kurss “Radošā rakstniecība” Latvejis Universitatis Humanitarūs zynuotņu fakultatē. Puorsvorā roksta latvīšu volūdā, bet izmieginuojs sovus spākus rakstnīceibā ari latgaliski. Raiva dzeju var puoskaiteit ITE.

Jana Skrivļa-Čevere par raksteišonu soka: “Muna kasdīna nav aiļu ailem pīraksteita. Dzejradeišona parosti ir apzynuots lāmums – apsasēst i pīraksteit. Tok tūp jei nu tuos šaļtenis sajiutu, pieški atguojušu vuordu i frāžu, satambūrejūt tū vysu vīnā vasalumā ar asociacejom i vuordu spēlem.” Janys dzeju var puorskaiteit ITE.

Anita Mileika ir dzejūļu kruojuma “mūžīgā nepārtikusī stirna” (2015), kas tyka nomināts Latvejis Literaturys goda bolvai kai lobuokuo debeja, autore. Niu tūp Anitys ūtrais dzejūļu kruojums. Anitys dzeju var puorskaiteit ITE.

Annele Slišāne Annele Slišāne ir tekstilmuokslineica i literate, kurei dzeivoj pošā Latvejis pīrūbežā, Bolvu nūvoda Zeļču cīmā. Izdūtys juos gruomotys “#100deči Latvijai” (2019), “tuoraga stuosti” (2021) i “tuoraga stuosti. pīns” (2022). Annelis dzeju var puorskaiteit ITE.

mygluojs ir vysai jauns latgalīšu autors, kurais roksta ar pseidonimu, eistyn naatkluojūt sovu identitati i cikom sovu dzeji publiciejs viņ socialajūs teiklūs i internetā. mygluoja dzeju var puorskaiteit ITE.

Inga Kaļva-Minina ir žurnaliste, literate i gruomotu blogere nu Rēzeknis. 2021. i 2023. godā uzvarējuse Pīteram Jurciņam veļteituo literatu konkursa nominacejā “Dzeja”. Ingys dzeju var puorskaiteit ITE.