Rokstu sagataveja: portals lakuga.lv

Nedeļa īsasuoka jau ar sormys kuortu, kas nūzeimoj, ka kluotyn asūšais rudiņa drāgnums liks vaira laika pavadeit sātā, papyldynuot čaja kruojumus i sagataveit kaidu komedeju izlasi tymsajim vokorim. Itūreiz ar kulturys īsacejumim pasadola Gaigalovys kulturys noma amaterteatru “Bykovīši” i “Apīnis” vadeituoja Valentīna Deksne, kura nedeļgolā īsoka izasmīt divejuos komedejizruodēs, taipoš ari pagiut šaļti pi dobys kryuts, cikom tū nav puorkluojuse snīga kuorta.

“Bykovīši” Rogovkā

Pīktdiņ, 13. oktobrī, Gaigalovys amaterteatris “Bykovīši” aicynoj iz Rogovku, kur jī gasteis ar izruodi – Annys Daņčys komedeju “Mada pūds”. Izruode byus latgalīšu volūdā, ar nūtikšonys vītai – Nautrānu pusei – rakstureigū izrunu i senejim vuordim.

Nūgiuņ pādejuos zalta rudiņa šaļts

Straujim sūlim tyvojās laiks, kod solnys i soltums nūkūss zīdūšūs augus, deļtuo kasdīnys skriejīnī atrūnit laiku aizstaiguot da duorzam, pļovai ci mežam, kab pabaudeitu itū dobys dūtū šmukumu i smaltūs energeju tymsajim rudiņa vokorim.

Sastdīnis vokoram pīstuov smīkli

Sastdiņ, 14. oktobrī, 19.00 stuņdēs Gaigalovys kulturys nomā skateituojim byus vareiba ļautīs eistynim smīklim, partū ka tī gasteis Modūnis nūvoda Meirānu amaterteatris “Zeltrači”, kas prīcynuos ar izruodi “Tobiass ir miris, lai dzīvo Tobiass!”. Rudiņa tymsī vokori ir juoaizpylda ir lobu humoru i skalim smīklim!