Rokstu sagataveja: portals lakuga.lv

Itūreiz par nedelis kulturys īsacejumim ir pasaryupejs grupys “Gandreiž 10nīkā” bolss Juoņs Kuzminskis. Jis aicynoj kluotīnē pabyut hokeja spēlēs, apmeklēt Martinsona sātu i nūsavērt kaidu kinu. Sovpus jaunuokū interveju ar pošu Juoni skaiti ITE.

Rēzeknis vaļstspiļsātys i Rēzeknis nūvoda hokeja leigys spēlis

Janvarī nūsaslādz Rēzeknis vaļstspiļsātys i Rēzeknis nūvoda hokeja leigys turnira regularais čempionats. Vēļ ir vareiba kluotīnē apsavērt gona daudz aizraujūšu spēļu. Vysu spēļu apmekliejums ir bez moksys. Jaunumim var sekuot leidza ITE.

Vizualizēt gravitaceju

“Vizualizējot gravitāciju” ir eksperimentals dorbs, kas attaisa skateituoju viereibu mejīdarbeibai storp keramika rūkom i keramikys materiala fiziskū pretesteibu. Kai viestej Rotko muzeja ekspozicejis aproksts, autoram nav svareigi definēt pošu procesu, tok dūt skateituojam vareibu nūvāruot kasdīnā naradzamū i unikalū keramikys materiala dobu. Muokslys dorba autors ir Dainis Pundurs, kurs dzims tepat Kruoslovys nūvoda Dagdys pogosta Ezernīkūs. Izstuode byus apsaverama Martinsona sātā (Nikolaja īlā 1, Daugovpiļs cītūksnī) da 18. februara.

Uora kinu seansi “Camper park Rēzekne”

Rēzeknē ir jauns pīduovuojums – vareiba pasavērt kaidu interesnu kinu uora kinuteatrī, siežūt sovā mašynā. “Camper park Rēzekne” aktualūs seansus vari meklēt ITE.