Tests: Kas tys par augu?
Rokstu sagataveja: portals lakuga.lv
21. februarī nu 1999. gods teik atzeimuota Storptautyskuo dzymtuos volūdys dīna. Tuos mierkis ir veicynuot volūdu i kulturu byušonu vysaidom i daudzvolūdeibu, jo aptyvai puse nu pasauļa volūdu ir apdraudātys. Itūgod Storptautyskajā dzymtuos volūdys dīnā pīduovojam pīdūmuot vaira par augu nūsaukumim latgaliski – atguoduot, izzynuot voi vīnkuorši atminēt, kū latvīšu literarajā volūdā nūzeimoj latgaliskais kaida auga nūsaukums.
Augu nūsaukumi izalaseiti nu tūpūšuo izdavuma “Augu nūsaukumu vuordineica” (izdeviejs latgalīšu kulturys kusteiba “Volūda”), kuram augu sarokstu sasatatejuse Maruta Latkovska (interveju ar jū var puorskaiteit ITE), bet augus sazeimuojuse muokslineica Līga Romančuka.
Results
#1. Batviņs
Batviņs (ari batvene, buraks, sviklis) – galda biete.
#2. Babaunīks
Babaunīks (ari cyukauss, cyukauseits, cyuku puplakss, Latgolys paļma, pūra (peisa) cyukauss) – purva cūkausis.
#3. Cybuļs
Cybuļs (ari cibuļs, seipūls) – dārza sīpols.
#4. Ciebreņš
Ciebreņš (ari cābreits, ciebreits, čombors, čombris, siebrineica, sabrine, smerdeleite, smiļtineite) – mārsils.
#5. Besa kūks
Besa kūks (ari cirinīts, beseņš, pliders, sīriņs, zylais bess) – ceriņš.
#6. Kukuzs
Kukuzs (ari baguns, dzeivers, kukucs, kukužīte, pūrašs, vaivareņš, vaiverīņs, veivierne, vuoveraine) – purva vaivariņš.
#7. Žyužaine
Žyužaine (ari ašņa zuole, ašņa dzyra, papīreneite, sīraine, sierpine, žužaune, žužārne, žyužieņs, žužaiņs) – parastais pelašķis.
#8. Agrysta
Agrysta (ari agre, agrosts, ieršku ūga, ierškieži, osūklis) – ērkšķogas.
#9. Cuolineica
Cuolineica (ari gaileišu biksis, gaiļa biksis, gailiņs, gaiļa pīss, vystkuojenis, vystys nogi) – gaiļbiksīte.
#10. Kuodeila
Kuodeila (ari Juoņu zuole, kudele, kupaļa) – nārbulis.
