Rokstu sagataveja: portals lakuga.lv

Dzīsmineica Laura Bicāne pīduovoj jaunu dzīsmi “Ceļā uz Emmausu”, informej poša muzike. Jei stuosta, ka nu laika, kod muza nu jauna atroduse ceļu iz Laurys sātu, tūp vys jauni dorbi par Beibelis stuostu tematiku.

Itūreiz muzykā dzīsmineica īvynuse nūtykumus pyrma vaira nakai 2000 godu, kod piec Jezus augšamceļšonuos juo muocekļu storpā vaļdeja naziņa. Lukas evaņgeleja 24. nūdaļa pastuosta par div taidim muocekļim, kuri sasarunoj ceļā uz Emmausu, kas ir natuoļi nu Jeruzalemis. Kai ituos rokstu vītys, tai ari dzīsmis golvonais viestejums ir, ka Kristus patīsi ir augšamcielīs.

Laura Bicāne ar saimi dzeivoj Vuocejā, kur jei vys vēļ rodūši dorbojās un sūlej klauseituojus puorsteigt ar jaunom dzīsmem. Majā dzīsmineica byus Latvejā, partū asūt juosekoj jaunumim, kab napalaistu garum vareibu dzierdēt Lauru dzeivajā. Vīna nu taidu nūtikšonu byus ari 17. majā Daugovpiļs kulturys pilī paradzātais grupys “Dabasu Durovys” koncerts.