Latgolys kulturys tests 2023
Rokstu sagataveja: Laura Melne, Amanda Anusāne, portals lakuga.lv
Kulturys tests par kulturys dzeivi Latgolā i izdavumim literaturā, muzykā 2023. godā, kū 3. kuortā vajadzēja izpiļdeit 23. atkluotuos vaļsts olimpiadis latgalīšu rokstu volūdā i kulturviesturē dalinīkim. Sovys zynuošonys testā pīduovojam puorbaudeit ari portala lakuga.lv skaiteituojim!
Results
#1. Kai sauc golda spēli latgalīšu volūdā, kuruos pyrmais čempionats tyka aizvadeits 2023. goda Ontona dīnā Bolvu nūvoda Rekovā?
#2. Kura latgalīšu autora izdūmuotuos i stuosteituos puorsokys pārņ tyka īraksteitys audio formatā, kur tuos īrunuoja vysaidi sabīdreibā zynomi cylvāki, kai Renārs Kaupers, Inga Misāne-Grasberga, Juoņs Krūņs i cyti?
#3. Daugovpiļs teatrī pārņ tyka īstudāta jauna izruode latgaliski. Kaids ir tuos nūsaukums?
Pārņ Daugovpiļs teatrī īstudātuos izruodis nūsaukums ir “Divejis vyrtuvē, naskaitūt nabašnīku”.
Recenzeju par izruodi skaiti ITE.
#4. Kurai grupys “Bez PVN” dzīsmei beja veļteits fotokonkurss “Jauna elpa”, kura lobuokī dorbi apceļuoja vysu Latveju?
LKA Latvejis Kulturys koledžys studentis organizēje fotoizstuodi “Jauna elpa”, kuruos īdvesmis olūts beja grupys “Bez PVN” dzīsme “Jau ni mes”.
Vaira par izstuodi izzynoj ITE.
#5. Kai sauc Storptautyskū etnodžeza muzykys ansambļu konkursu, kas pyrmūreiz Rēzeknē nūtyka 2023. goda majā?
Juoņa Ivanova Rēzeknis muzykys vydsškola izsludynuoja pyrmū Storptautyskū etnodžeza muzykys ansambļu konkursu “Guoyu pa Jazz”.
Vaira par konkursu ITE.
#6. Kurs latgalīšu literaturys dorbs pārņ izskanēja kai radejis īstudiejums?
Pārņ nu 21. da 25. marta Latvejis Radejis 1 eterā izskanēje pyrmuo Alda Bukša kriminalromana latgaliski “Bruoli” radejis īstudiejums.
Vaira par īstudiejumu ITE.
#7. Kai sauc pyrmuo komiksa bārnim latgaliski “Sunāns breiveibā” muokslineicu?
Latgalīšu kulturys kusteiba “Volūda” izdeve Laurys Melnis i muokslineicys Viviannys Mariis Stanislavskys kūpeigū dorbu – pyrmū komiksu gruomotu bārnim latgaliski “Sunāns breiveibā”. Gruomota ir stuosts par suni i juo dzeivi, puorsaceļūt nu piļsātys iz laukim.
Vaira par komiksu ITE.
#8. Nu paguojušuo goda puorbaudeit darbeibys vuordu formys latgalīšu rokstu volūdā var tam eipaši paradzātā lītuotnē. Kaids ir tuos nūsaukums?
Puorbaudeit darbeibys vuordu formys latgalīšu rokstu volūdā var lītuotnē “Latgalian Verbs”, kuru izveiduojs platformys “Latvian Apps” aizsuociejs Arņs Gross.
Vaira ITE.
#9. Kuram īvārojamam latgalīšam beja veļteits vīns nu Latgolys viestnīceibys “Gors” 10 godu jubilejis pasuokumim?
29. aprelī Latgolys viestnīceiba “Gors” aicynuoja iz desmit godu jubilejis pasuokumu cykla “10 kā 1” nūtikšonu – pyrmatskaņuojumu dzīšmuspēlei latgaliski “Trasuns. Fabulas”, kas radeits, īsadvasmojūt nu Fraņča Trasuna fabulu.
Vaira ITE.
#10. Aizvadeitajā pavasarī Rēzeknē diveju sūpluok asūšu sasatikšonys vītu – “Ausmeņa Kebaba” i “KUUP” – saiminīki atkluoja jaunu kulturvītu. Kai tū sauc?
6. majā Rēzeknē “Ausmeņa Kebaba” i “KUUP” saiminīki atkluoja jaunu kulturvītu ar nūsaukumu “Rancāna pogolms”.
Vaira izzynoj ITE.
#11. Kuruos Latgolys pošvaļdeibys sauklis ir “Te vyss ir pa eistam!”?
Ludzys nūvods izstruoduoja jaunu vizualū identitati i izdūmuoja saukli “Te vyss ir pa eistam”, kas ir pyrmais nūvoda sauklis latgalīšu volūdā vysā Latvejā.
Vaira ITE.
#12. Kura latgalīšu dzejneica 2023. godā izdeve dzejis kruojumu “Ups, kūki i mes”?
Juņa vydā tyka izdūts Dagnejis pyrmais dzejis kruojums “Ups, kūki i mes”. Kruojumā apkūpuoti vaira nakai 70 pādejūs pīcu godu laikā raksteitī dzejūli, kurūs autore kaitojās ar dažaidu volūdu vuordim i simbolim, salīkūt sūpluok jiutu, pruota, piļsātys, lauku, realuos i digitaluos dzeivis paruodeibys i nūtikšonys.
Vaira par kruojumu ITE.
#13. Kai sauc muzykys grupu, kas pārņ izdeve jaunu albumu “Turu buru!”?
Albumu “Turu buru!” izdavuse Daugovpilī dybynuotuo etnomuzykys grupa “Laimas Muzykanti”, kurs vāluok nomināts Muzykys īrokstu goda bolvys “Zelta mikrofons” kategorejā “Tautys voi pasauļa muzykys albums”.
Vaira ITE.
#14. Augustā piec renovacejis dorbu tyka atkluots atjaunuotais Namaterialuos kulturys montuojuma centrs “Upīte”. Atkluošonys dīnā tymā tyka ruodeita ari Latvejis Nacionaluo teatra izruode. Kaida?
#15. Goda beiguos pi skateituoju tyka latgalīšu seriala “Fati” 2. sezona. Kurys piļsātys apleicīnē tū fiļmēja?
Ludzys nūvoda Kuorsovys pusē nūtyka aktivs dorbs pi “Fatu” ūtruos sezonys fiļmiešonys.
Reportaža nu fiļmiešonys ITE.
#16. Dzejis slamā latgaliski “Rogovkys dzejis voga” pārņ beja diveji uzvarātuoji. Kas jī beja?
9. septembrī Rogovkā ūtrū reizi iz sasatikšonu Dzejis dīnu laikā aicynuoja dzejis slams latgaliski “Rogovkys dzejis voga”. Tamā ostoņu autoru i treju kuortu saceņseibā uzvarātuoja gūdu, finala saceņseibā sajemūt vīnaidu punktu skaitu, sadaleja literate, tekstilmuokslineica Annele Slišāne i dzīsminīks Vinsents Kūkojs.
Vaira ITE.
#17. Konkursā “Latgolys prozys skaitejumi 2023” uzvarēja literate Ilze Sperga. Kaids beja juos stuosta nūsaukums?
Konkursā vysu leluokū žurejis punktu skaitu sajēme i par lobuokū tyka atzeits literatis, literaturzynuotneicys Ilzis Spergys stuosts “Breiveiba”.
Vaira izzynoj ITE.
#18. Kai sauc sabīdryskū iniciativu, kurā latgalīšu volūdys lītuotuojus aicynoj īrunuot tekstus i puorbaudeit jau īrunuotus teikumus?
Ar mierki saglobuot cytom paaudzem līceibu par myusu dīnu latgalīšu volūdu i tuos unikalitati, kai ari veicynuot tū, ka modernuos tehnologejis jādz “saprast” i “sasarunuot” tamā, sabīdryskuos iniciativys “Balsu talka” eistynuotuoji aicynoj latgalīšu volūdys lītuotuojus īsasaisteit latgaliskūs tekstu īrunuošonā, kai ari puorbaudeit jau īrunuotūs teikumus.
Vaira ITE.
#19. Folklorys kūpa “Ceidari” pārņ izdeve albumu “Dzīduotumi, ļustātumi”, kas veļteits kaida Latgolys pogosta dzīsmem. Kura pogosta?
Folklorys kūpa “Ceidari” izdavuse digitalū albumu “Dzīduotumi, ļustātumi”, kas veļteits Bierzpiļs pusis dzīduotuojim i jūs dzīsmem.
Vaira par aļbumu ITE.
#20. Kurā piļsātā pyrmizruodi pīdzeivuoja animacejis kina “Vydsmuižys Annužys acim”?
Animacejis kina Vydsmuižys Annužys acim” sovu pyrmizruodi pīdzeivuoja Viļānūs ituo gods 11. novembrī.
Vaira ITE.
