Rokstu sagataveja: portals lakuga.lv

Latvejis Nacionalais kulturys centrs izsludynuojs finansiejuma konkursu “Latgolys namaterialuo kulturys montuojuma styprynuošonys i populariziešonys pasuokumu nūdrūsynuošona 2024. godā”, informej centra puorstuove Lana Kazlauskiene.

Konkursā var pīsadaleit bīdreibu i nūdybynuojumu registrā īraksteita bīdreiba voi nūdybynuojums, kura darbeibys ilgums ir vysmoz treis godi i darbeibys mierki ir saisteiti ar Latgolys namaterialuo kulturys montuojuma saglobuošonu. Konkursa mierkis ir nūsaceit daleibnīkus, kuri 2024. godā nūdrūsynuos Latgolys namaterialuo kulturys montuojuma styprynuošonys i populariziešonys pasuokumus. Konkursa rezultatā sadolamais finansiejums ir 10 000 eiro.

Kab pīsadaleitu konkursā, daleibnīks da 2024. gods 10. maja 17.00 stuņžu Latvejis Nacionalajam kulturys centram personiski īsnādz voi pa postu voi elektroniski nūsyuta aizpiļdeitu daleibnīka dasacejumu, dalīkūt bīdreibys voi nūdybynuojuma registracejis aplīceibys kopeju, bīdreibys voi nūdybynuojuma statutu kopeju, pasuokuma detalizātu aprokstu, pasuokuma vadeituoja CV, aizpiļdeitu tāmi i cytus dokumentus, kū daleibnīks skaita par vajadzeigu davīnuot dasacejumam.

Konkursa nūlykums i dasacejuma anketa