Juram Ostrovskim izguojuse jauna dzīsme par Latgolys pierteņu
![Juram Ostrovskim izguojuse jauna dzīsme par Latgolys pierteņu](https://www.lakuga.lv/wp-content/uploads/2024/06/Ostrovskis_ekransuovins_nu_Latgolys_piertena_dzismys-1000x667-c-default.png)
Rokstu sagataveja: portals lakuga.lv
Iz vosorys saulgrīžu sagaideišonys laiku Jurs Ostrovskis pīduovoj jaunu dzīsmi i videoklipu latgaliski “Latgalis pierteņa”. Dzīsmis muzykys i teksta autors ir pats Jurs Ostrovskis.
Kai soka dzīsmis autors Jurs Ostrovskis: “Beja gribiešona saraksteit nazkū pozitivu i jautru, kas uzlobuotu nūskaņuojumu. Dzīsme ir par cylvāka kasdīnys dzeivi i tū, kai mes vysi tik cīši gaidom breivdīnys.” Jurs, vaicuots voi nateik plānuots jauns albums, soka: “Dorbs pi albuma nūteik, tok bez steigys, gribīs padareit labi i sagataveit pateikamu puorsteigumu klauseituojim.” Cyta storpā, interveju ar Juri Ostrovski skaiti ITE.
Jurs Ostrovskis izsoka pateiceibu Augšdaugovys nūvoda kempingam “Daugavas lokos” i tuo saiminīkam Ilmāram Locikam, taipoš eipaša pateiceiba studejai “Dinaburg” i Olegam Timofejevam, kai ari studentu deju ansambļa “Laima” i deju ansambļa “Laismeņa” mārgom.
Dzīsmis teksta i muzykys autors ir Jurs Ostrovskis, skaņu studejis režisors i aranžātuojs – Kaspars Maks, akordeonu spēli nūdrūsynuoja Einārs Lipskis, cikom video operators beja Pīters Muižnieks.
![](https://www.lakuga.lv/wp-content/uploads/2023/11/Lakuga_VKKF-projekts_atbolsts_logo_-620x155.jpg)