Rokstu sagataveja: portals lakuga.lv

Folkmetala grupa nu Daugovpiļs “Varang Nord” publicejuse jaunu dzīsmi “Nuoves guņs”, kas veļteita grupys vokalistei i akordeonistei Jelenai ceļā iz izaveseļuošonu piec smoga nagadejuma.

Jaunuos dzīsmis muzykys autors ir Maksims Popovs, teksta autori – Aigars Zeiza i Maksims Popovs. Dzīsme stuosta par varonu ceiņu, kod dīvi karoj kūpā ar sovu tautu, nasūt naidnīkim brīsmeigu smierti. Par šausmom, kū cylvāks radz ceinis laikā, kod bāg nu tuos paceli. Kompozicejai ir smogs pīsitīņs, kab kai naviņ pītuvynuot klauseituojus tom brīsmem, kas beja tymūs laikūs. Dzīsme ir veļteita “Varang Nord” vokalistei i akordeonistei Jeļenai saisteibā ar nūtykušū nalaimi, kab jei spātu īveikt nuovis guni.

Grupys akordeoniste Jelena vosorys suokuos tyka smogā nagadejumā i grupys dalinīki lyudz sevkuru atbaļsteit Jelenu juos ceļā iz atlabšonu. Kai sovā Facebook lopā roksta grupys puorstuovi, dažys dīnys pyrma nagadejuma jim saguoja īraksteit niu publicātuos dzīsmis daļu ar Jelenys vokalu.

Paypal: varangnord@andriic
Patreon: Varang Nord

Internetbanka:
Maksims Popovs
LV83HABA0551054619611
HABALV22
Mierkis: Zīduojums Lenai.

“Varang Nord” ir dybynuota 2014. godā, kas poši sevi sauc par grupu Latgolys soltūs mežu. Jī apvīnoj skorbūs death metala rifus ar episkom akordeona dzīsmem, rodūt unikalu zīmeļu poguonu/folk metala sajaukumu. Jūs dzīsmis slavej varonu kauju, ašņainu uperi vacajim dīvim i prīceigu zīmeļu mīlasti ar nabeidzamim ols žbanim.