Kulturys īsacejumi nedeļai: īpazeisti Daugovpiļs cītūkšņa duorgumus
![Kulturys īsacejumi nedeļai: īpazeisti Daugovpiļs cītūkšņa duorgumus](https://www.lakuga.lv/wp-content/uploads/2024/07/Una-gura-kulturys-isacejumi2024-1000x667-c-default.jpg)
Rokstu sagataveja: portals lakuga.lv
Pošā vosorys vydā, kod saule myus lutynoj ar korstim storim i vosorys tveiksmi, ar nedelis īsacejumim doluos muokslineica, keramike Una Gura nu Daugovpiļs. Itūreiz jei portala skaiteituojim īsoka dūtīs iz Daugovpiļs cītūksni, kab pavadeitu vasalu dīnu, baudūt tī daīmamuos izstuodis i giunūt jaunus īspaidus. Tei ir vareiba na viņ nūsaglobuot nu korstuma vāsuokuos izstuožu telpuos, tok ari izastaiguot i izbaudeit muokslu.
Daugovpiļs cītūksnis
Daugovpiļs cītūksnis ir leluokuo i vyslobuok sasaglobuojušuo cītūkšna sistema Baļtejā. Ite var izbaudeit interesantys ekskursejis i izzynuot vaira par Daugovpiļs viesturi, taipoš ari dūtīs pastaigā, apsaverūt i pietejūt apleicīni.
![](https://www.lakuga.lv/wp-content/uploads/2024/07/2foto_4lpp_Daugavpils-cietoksnis_visitdaugavpils-min-scaled-1-620x414.jpg)
Rotko muzejs i keramikys pasauļs
Īsoku apmeklēt ari Rotko muzeju, kur ir daudzi interesantu izstuožu, par kurom var dazynuot Rotko muzeja sātyslopā. Aizsorgvaļnī ir daīmams ari Rotko muzeja atvārtais keramikys kruojums. Tei ir breineiga vareiba apsavērt keramiku kai muokslu. Vysi kruojuma autori sovus dorbus ir pamatuši, pīsadolūt Rotko muzeja izstuodēs, konkursūs, bienālēs. Taipoš ite ir puorstuovāti Daugovpiļs keramiku dorbi.
Nūteikti apsaverit “Ceramic laboratory”, kas atsarūn Hospitaļu īlā 8. Tī “4 metru” stykla vitrinā var baudeit pādejuo keramikys simpozeja muokslinīku dorbus, sovpus pošā Rotko muzejā ir radzama ari izstuode, kū tī muokslinīki trejuos nedeļuos ir veikuši keramikys laboratorejā.
![](https://www.lakuga.lv/wp-content/uploads/2024/07/Una-gura-daugovpils-keramika-ceramic-laboratory-620x349.jpg)
Vēļ daudzi cyta, kuo redzēt i dareit
Daugovpiļs cītūksnī ir vareiba ari apmeklēt Inžineru arsenalu, kurs ir atpazeistams ar tū, ka tī izstuodeiti dažaidi spākroti. Taipoš īsoku apmeklēt ari medicinys izstuodi ar kontracepcejis ekspoziceju. Tei ir jauka, izzynūša izstuode par medicinys viesturi. Cylvākim, kam ir ap 40-50 godu, ir cīši interesanti, jo var veļdzētīs atmiņuos par senejuokim laikim.
![](https://www.lakuga.lv/wp-content/uploads/2024/07/Medicinas-izstade-ar-kontracepcijas-ekspoziciju-4-scaled-1-620x413.jpg)
Daugovpiļs cītūksnī jius varēsit mīreigi pavadeit vasalu dīnu i tikt pi daudzi īspaidu! Cītūksnī arsenala telpuos ir ari restorans ar uora terasi, kur var drūsai īsastyprynuot i nūsaglobuot nu vāsuma i vosorys saulis.
![](https://www.lakuga.lv/wp-content/uploads/2023/11/Lakuga_VKKF-projekts_atbolsts_logo_-620x155.jpg)