Kulturys īsacejumi nedeļai: par gordom i satureigom breivdīnom
![Kulturys īsacejumi nedeļai: par gordom i satureigom breivdīnom](https://www.lakuga.lv/wp-content/uploads/2024/07/Isacejumi_Ilona_Kangizera-1000x667-c-default.png)
Rokstu sagataveja: portals lakuga.lv
Itūreiz par kulturys īscejumim pasaryupējuse Kruoslovys nūvoda Indrys Laimis muzeja vadeituoja Ilona Kangizere, kura, kai laimeigs cylvāks byudams, vysus aicynoj gostūs pi seve!
Sātys kopejneicu dīnys Indrys pogostā
27. julī pi Indrys Laimis muzeja i Tievejis parkā byus vareiba nūgaršuot i zīmys kruojumim īpierkt Indrys zapti. Nu 12 da 19 stuņdem byus improvizātuo kopejneica “Laimis muzeja īvuorejuma kotls”. Vīnys iz gunkura vuoreitys zapts burkys 0,5 litru tylpumā cena byus 5 eiro. Produkcejis apjūms byus īrūbežuots. Sovpus nu 15 da 16 stuņdem byus vareiba klauseitīs Jiurmolys kulturys centra folklorys kūpys “Mare” koncertu. Iz sātys kopejneicu sovu apmekliejumu vālams dasaceit īprīšk pa teleponu: 20266514. Informaceju par cytom sātys kopejneicom var apsavērt ITE.
![](https://www.lakuga.lv/wp-content/uploads/2024/07/Indras-ievarijums-1-620x390.jpg)
Pagasteit ari Laimis muzejā
Laimis muzeja mierkis nav tīšim vuordim stuosteit i skaidruot, kas ir laime, tok car vysaiduokom aktivitatem raudzeit cylvākim paruodeit, ka laime nav nazkas tuols i napīejams, tok sastuov nu mozom prīcys šaļtim, kurys kotram ir sovys.
![](https://www.lakuga.lv/wp-content/uploads/2024/07/Laimes_muz_LTA_foto-620x413.jpg)
Pabyut ari Kruoslovys grafu Plāteru pilī
Niulejais piļs komplekss ir cīšyn boguots ar vysaiduoku aktivitašu vareibom. Te byus interesanti i saimem ar bārnim, i individualim ceļuotuojim. Ir Amatnīceibys centrs ar vasalom sešom darbneicom, ir izstuodis ar lelem i par kulinarejis tradicejom, ir ari kopejneica. Tai ka ite drūsai byus kū dareit ilguoku laika strēči.
![](https://www.lakuga.lv/wp-content/uploads/2021/06/Kraslava-98-of-184-620x413.jpg)
![](https://www.lakuga.lv/wp-content/uploads/2023/11/Lakuga_VKKF-projekts_atbolsts_logo_-620x155.jpg)