Rokstu sagataveja: portals lakuga.lv

Kate Slišāne, kura Latgolā labi zynoma kai Upītis kulturtelpys vierteibu saglobuotuoja i nesieja tuoļuok, itūvosor tykuse ari jaunā gūdā – niu jei ir ari vīna nu grupys “Tautumeitas” dalineicu. Tok Kate aktivi turpynoj dorbuotīs ari Upītē. Itūnedeļ Zīmeļlatgolā nūtiks Storptautyskais folklorys festivals “Lipa kust”, kuru apmeklēt jei aicynoj ari portala lakuga.lv kulturys īsacejumūs.

Festivals “Lipa kust”

Eipaši aicynoju apmeklēt Storptautyskū folklorys festivalu “Lipa kust”, kurā pīsadaleis grupys nu Latvejis, Kostarikys, Čehejis i Gruzejis. 31. julī 19.00 stuņdēs byus festivala atkluošonys koncerts Bolvu Kulturys i atpyutys centrā. Īīšona 7 eiro, biletus var īsaguoduot bezrindas.lv voi iz vītys.

Turpynuojumā, 1. augustā, gaidoms Styprūs skriejīņs. Suocūt nu 16.00 stuņdem, varēs pīruodeit sevi veikleibā, gudreibā i iztureibā, bet vokorā byus balle kūpā ar grupu “Krēsla”, īīšona 15 eiro, biletis var īsaguoduot tik iz vītys. Īsarasšona ballis kleituos i izvalkūs.

2. augustā 11.00 stuņdēs byus koncerts Viļakys Vyssvātuos Jezus Sirds Romys katuoļu bazneicā, īīšona par veļti. Varēs baudeit bazneicys akustiku i daiļumu.

Bet 3. augustā 16.00 stuņdēs nūslāguma koncerts Upītē. Vysas vaļsts kūpā izpiļdeis i sadoncuos “Lipa kust”, byus lobumu tierdziņš un garšeigī “Škladi”.

Lobumi pa ceļam iz festivalu

Pa ceļam iz “Lipa kust” var īsagrīzt Bišu namiņā, baudeit bišu dzīdnīcyskū efektu i puorgulēt nakti. Nu reita laistīs iz “Stabļovas ķiploku” i nūdegustēt casnāgu pesto un cytus lobumus.

Latgolys stuostnīku festivals

Bet 2. augustā 19.00 stuņdēs aicynoju iz 9. Latgolys stuostnīku festivala lelū stuostu vokoru Upītis tautys nomā. Īīšona par veļti. I piec stuostu vokora daņči kūpā ar FK “Upīte” un uorzemu kūpom.