“Latgalīšu repam” jauna dzīsme i videoklips – “Ar kaifu”
Rokstu sagataveja: portals lakuga.lv
Apvīneiba “Latgalīšu reps” klauseituojim pīduovoj jaunu dzīsmi “Ar kaifu”, kurai uzfiļmāts ari videoklips, informej apvīneibys puorstuovi.
Vosora, tys ilgi gaideitais i eisuokais goda periods, par kuru prīcojās sevkurs Latvejis dzeivuotuojs. Ar itū dzīsmi “Latgalīšu repa” dalinīki Didzis i Ivo klauseituojim grib nūdūt sovu jaudeigi tveiksmainū latgalīšu atmosferu, kas īdvasmuos atlykušū vosoru pavadeit “ar kaifu”, i atguodynuot, ka tū var dareit vysaiduokūs veidūs i vītuos, pīmāram, ari Latgolys nūvodā.
Dzīsmis videoklips tyka uzjimts Reigā, tok ar ironisku atsauci “Latgola, ni Reiga”, kas aicynoj sevkuru klauseituoju īsajust vosoreigys jutūnis balleitē na tik Reigā, tok ari uorpus golvyspiļsātys.
“Ar kaifu” videoklipa operators i režisors ir Elvis Lācis. Dzīsmis autori i izpiļdeituoji – Ivo Grigalis i Didzis Kozlovs. Dzīsmis skanis apstruodi taiseja Jānis Šmediņš (“PrimeTime Latvia”).
