Rokstu sagataveja: portals lakuga.lv

Folklorys kūpai “Upīte” darbeiguo, korstuo vosora turpynojās ari septembrī, koncertejūt, pīsadolūt festivalūs i duovojūt jaunu dzīsmi sovim klauseituojim. Itūreiz tei ir “Dads ar buobu”, kuru kūpai īvuiceja teicieja nu Bolvu nūvoda Medņovys pogosta – Natālija Smuška. Itei humora pylnuo dzīsme ir tautā īmeiļuota i folkloriziejusēs latgalīšu politika, kulturys darbinīka i literata Fraņča Kempa nu pūļu volūdys tulkuotuo dzejūļa “Dziad i baba”. Cikom jaunuo dzīsme ceļoj pi klauseituoju, tikom folklorys kūpa “Upīte” jau ceļoj iz tuolejū Dīnavydkorejis piļsātu Čeonanu.

Bolvu nūvoda Namaterialuos kulturys montuojuma centra “Upīte” direktors prīcojās: “Ari ar jaunū FK “Upīte” dzīsmi turpynojās kūpys dorbs pi nazkod tautā īmeiļuotu, tok jaunuokajai paaudzei nadzierdātu dzīšmu atjaunuošonys, kai ari video verseju radeišonys, kas raisa pozitivys emocejis. Prūtams, lels gondarejums, ka folklorys kūpa “Upīte” turpynoj apceļuot pasauļa festivalus, kur cyldynoj Zīmeļlatgolys namaterialuos kulturys montuojumu.”

Itei ir jau vīnpadsmytuo dzīsme, kū folklorys kūpa “Upīte” duovoj sovim klauseituojim dzīšmu atjaunuošonys projekta laikā, kurā teik savuoktys i apkūpuotys dzīsmis, kū dzīduojuši latvīši 20. godu symta padūmu okupacejis godūs. Vierīneigais izpietis projekts aizasuoce 2023. gods aprelī, folklorys kūpa “Upīte” atjaunuotuos dzīsmis publicej, suocūt nu 2023. gods novembra. Folklorys kūpa “Upīte” atjaunuotuos dzīsmis publicej, suocūt nu 2023. gods novembra. 21. novembrī tyka prezentāta pyrmuo dzīsme “Kara laukā”. 21. decembrī tika dāvināta klausītājiem jauna dziesma “Kod īt iz balli”. 21. janvarī tyka prezentāta dzīsme “Brigaders”. Februarī tyka duovuota Līvijis Supis teiktuo ukraiņu tautys dzīsme “Marička”. Martā – dzīsme disko skaņuos “Ak, dzeive”, sovutīs aprelī tyka duovuota dzīsme “Žīguļi”. Majā tyka prezentāta Natālijis Smuškys teiktuo dzīsme “Lūgšana”. Juņa dzīsme beja “Rullāti”, juļa – “Tys viel nav nikas”, augusta – “Mazuliet”, bet septembra dzīsme ir “Dads ar buobu”.. Folklorys kūpa soka paļdis par atbolstu Vaļsts kulturkapitala fondam.

Dzīsmis īroksts tyka veikts studejā “Bigmaar’s Records”, bet video verseju taiseja “Waltz Visuals”.

Folklorys kūpa “Upīte” dybynuota 2002. godā, atteistūt Upītis bārnu folklorys kūpys, kas dybynuota 1980. godā, darbeibu. Da ituo FK “Upīte” ir izdavuse jau četrus albumus: “Vusi ļauds breinovuos”, “Dzīduot muoku, doncuot muoku”, “Ryugts” i “Padzīdam i…”. Kūpa aktivi pīsadola vysaidūs Latvejis festivalūs i nu 2016. goda Latveju puorstuov ari vysaidūs storptautyskajūs festivalūs vysā Eiropā – Leitovā, Igaunejā, Pūlejā, Itālejā, Čehejā, Rumanejā, Portugalē, Slovakejā, Fraņcejā, Kosovā, Boltkrīvejā.