Rokstu sagataveja: portals lakuga.lv

28. septembrī nu 10.00 da 17.00 stuņžu Latvejis Etnografiskajā breivdobys muzejā tiks svieteita Mikeļa dīna, viestej publiski daīmamuo informaceja. Vysplašuokuo svātku programa ar tiergu, virīņa vuoreišonu, rodūšajom darbneicom, dzīsmem i ļustem paradzāta muzeja Latgolys cīmā, tok aktivitatis byus ari Vydzemis i Kūrzemis zemnīku sātuos.

Vysys dīnys garumā Latvejis Etnografiskajā breivdobys muzejā byus Mikeļdīnys tiergs. Latgolys cīmā varēs baudeit nūvodam rakstureiguos garšys, vuorejūt virīni i putru, kai ari pīsadolūt amatnīku meistarklasēs i konkursūs. Rodūšajuos darbneicuos bārnim byus vareiba taiseit jumeišus, taipat byus jautrūs buļbu darbneica, kai ari muola meistarklasis ar Latgolys pūdnīkim.

Paraleli iz Latgolys cīma skotivis uzastuos puorsoku stuostnīks Raitis Zapackis ar izruodi “Kur pazuda vilks”, rūtalis vadeis Leivuona folklorys kūpa “Ceiruleits”, latgalīšu dzīsmēs i daņčūs vess etno kompaneja “Zeidi” i Reigys saimu folklorys kūpa “Garataka”.

Tikom Kūrzemis zemnīku sātā varēs satikt vuškys, kozys, vystys i trušus, Mērsroga smēdē – vērtīs kaļva Artūra Purviņa paraugdemonstriejumus, Vydzemis zemnīku sātā – adeit cymdus i laist bārnus gonu spielēs. 12.00 Bornis bazneicā byus tautysdzīšmu koncerts, kurā pīsadaleis Reigys Doma kora školys dzīduotuoji.

Pyrma laisšonuos iz Breivdobys muzeju vārts īpasazeit ar tuo Latgolys duorgumim portala lakuga.lv sagataveitajā rokstā ITE.