TESTS: Voi tu puorzynoj Fraņča Trasuna fabulys?
Kartenis olūts: Latvejis Nacionaluo arhiva Latvejis Vaļsts viesturis arhivs
Rokstu sagataveja: portals lakuga.lv
16. oktobrī 160. jubilejā atguodojam latgalīšu goreidznīku, politiki, kulturys i sabīdryskū darbinīku Fraņci Trasunu. Par vierteiguokū daļu nu juo literaruo davuma teik skaiteitys fabulys, kas taišni pyrma symta godu pyrmūreiz publicātys atseviškā gruomotā. Aicynojam portala lakuga.lv skaiteituojus puorbaudeit sovys zynuošonys par Trasuna fabulom. Tiks dūti fabulu fragmenti i vajadzēs atminēt, nu kuruos fabulys tī ir. Lai labi lūbās!
#1. “Ar ļaunu atmoksuot, tur ļaudis dreizi gon, bet pateiceibā sovaidi:/Kod lobu dori kam, tod pateiceibys nagaidi!”
#2. “Gon zvieri pliešās, lomojās un kauc,/Kod vādars jim piec maizis sauc,/Tik daudzi ratuok nakai ļauds,/Kas, lai cik āduši, cyts cytu rej./Bet zvieri luogim sovu goru mej.”
#3. “I dzeivē ir tei poša īraža./Cyts pats pi dorba naveiža,/Lai dīszyn kū jam ļaun./Jis tik iz cytim vaini kraun/I tod, kod monts jam nagrib augt/I slave ļaudīs plaukt.”
#4. “Storp ļaudim tai: piec nuovis vysim pīminekļus stota,/Bet, cikom dzeivs, tod plyukoj tai, ka dzeiva napamat ni mota.”
#5. “Cyts, maizi gūdam peļneidams, pi dorba dorbu kūpoj,/Bet cyts pret tim, kam spāks, tim ruopoj.”
#6. “Ka kūpeibā ir spāks,/Pret tū i runuot grāks./Bet dorbā loba nagaidi,/Kod sasabīdruosi ar naprašu voi nagūdi –/Tik sevi padareisi vuoju.”
#7. “Pa vydu ceļš,/Nu pīlejušom paļtim vītom siermi zaļš,/Bet vītom sudobruots kai jūsta lūcejuos uz muojom.”
#8. “Ka šytai sevi dorbā beņdēt teiri grāks,/Jo kukainim niu asūt nūlykts tikai sešu stuņžu dorba laiks.”
#9. “Bet pusmuoceiti jaunekli/Voi samaituoti veceli,/Kas poši naprašys,/Tī līlejās,/Ka vysu zyna,/Kuo eistyn muoceits nazyna nikas.”
#10. “Šei puosoka/Mums šytū skaidri nūsoka:/Na tī spiej tautys dorbus veikt, kam plota mute,/Bet tī, kam duovona ir dūta.”
