Rokstu sagataveja: portals lakuga.lv

Ar īsavieršonu 2026. godā kulturys īsacejumus itūreiz sagatavejuse vokaluo pedagoge, grupys “Borowa Mc” soliste Guntra Kuzmina-Jukna. Jei īsoka veļteit laiku saimei i kūpeigi nūsavērt kaidu klasiskū kinu, sagataveit sovys saimis kalendaru i pagataveit nazkū eipašu.

Nūsavērt kaidu latvīšu klasiskū kinu

Itys ir breineigs laiks, kab nūsavērt kaidu kinu nu latvīšu klasikys kūpā ar saimi. “Emīla nedarbi”, “Cylvāka bārns” – tuos ir kinys, kurys bārnim pateik i mums, pīaugušajim, ari atguodynoj par eistynom vierteibom.

Latvejis televizeja pīduovoj vērtīs arī cīši skaistus akademiskuos muzykys koncertus. Īsoku Kristīnis Opolais koncertu Kaunis bazneicā, Vīnis filharmoniku Jaungoda koncertu voi godumejis koncertu nu Latvejis Nacionaluos operys i baleta.

Personalizāts kalendars 2026. godam

Taipat īsoku kūpeigi ar meilajim izveiduot personalizātu kalendaru 2026. godam, kotram mienešam izavielejūt šmukuokuos 2025. goda biļdis. Taids atmiņu kalendars ir eipašs kotrā sātā i atguodynoj par skaistim nūtykumim. Mes ar sovu saimi taidu jau sataisejom.

Eistais laiks paraudzeit kaidu jaunu recepti

I voi itys nav eistais laiks, lai izmieginuotu kaidu recepti, kurū jau seņ gribiejuos paraudzeit? Voi pavaicoj sovai babeņai ci mamai, kai agruok cepa žagareņus, rūzeitis, smiļšu capumus voi rīksteņus. Svātku goldam nūderēs.