Pošuos septembra beiguos izguojs žurnala „A12” ūtrais numers. Reitu, 6. oktobrī 14:00 Reigys Gruomotu svātku laikā latgalīšu rokstūšūs sīvīšu pasuokumā „Sova ustoba” byus ari žrunala prezentaceja.

Žurnals „A12” izīt sešys reizis godā i tymā var skaiteit pozitivus stuostus par cylvākim Latgolā i pasaulī. Žurnala ūtrajā numerā teik raudzeits meklēt atbiļdis par laimi. Žurnalā var sasatikt ar Latgolys pūdnīku i muola prasmu školuotuoju Evaldu Vasilevski, sasatikšonu ar spylgtū i atraktivū Ilzi Stabuļneicu aba daudzim zynomū Zyrgu Ilzi, izzynuot, kū latgalīte Elita Cakule dora Norvegejā. Par muzykys mīlesteibu saruna ar izcylū baroka muziki Ilzi Gruduli, i stuosts, kai Vestards Šimkus izjiut fligeli Rēzeknis koncertzalā. Taipat žurnalā saruna ar prīsteri Andreju Trapučku, reportaža nu Rēzeknis nūvoda Bieržgaļa pogosta. Par sevi stuosta ari „Latgolys Studentu centra” jaunīši. Latgalīša pādi pasaulī – ceļuojums iz saulainū apeļsinu zemi Maroku. Taipat ari skaitomys treis puosokys par laimi i atzinis nu 3. Pasauļs latgalīšu saīšonys.
Žurnalā roksti ir gon latvyski, gon latgaliski.

Žurnalu „A12” var nūpierkt Presis Servisa kioskūs, LgSC gruomotu goldā i cytuos tierdznīceibys vītuos.

„A12” izīt reizi divejūs mienešūs. Novembrī izīs trešais žurnala numers, bet jau nu 1. oktobra žurnalu var abonēt vysam 2013. godam.

Vaira dazynuošonai par „A12” verīs ITE.