Novembris grupai KRAMPIS nu Leivuonim aizrit muzykalu konkursu zeimē. 12. novembrī grupa pīsadaleja Ūgrīs Kulturys centra reikuotajā Ūgris jaunū muzykys grupu atlasis konkursā-skatē „Zaļais knābis”. Pasuocīņa ideja ir pīsaisteit jaunīšus i, koč ari suokumā konkurss bejs dūmuots Ūgris muzykantim, ar laiku māruogi pasaplašinuojušs leidz vysai Latvejai. Itūgod konkursā pīsadaleja 9 grupys, kuru vydā KRAMPIS īgiva gūdpylnū trešū vītu. Eipašu atzineibu i sajiusmys pylnus muzykalus kompilmentus grupai izsaceja žūreja – muzikis Harijs Zariņš atzeimuoja, ka KRAMPIS bejuse pyrmuo grupa, kas konkursa vokorā spēlejuse ar profesionalu pīeju, grupai asūt sovs stils i interesns dzīšmu aranžejums. Grupys bundzenīks Ingars Uvarovs tika pi komplimentim par juo dinamiskū izpiļdejumu i sajieme diplomu „Hot Drummer”.

Tāņ grupa matuse izaicynuojumu jaunam konkursam – BURKA, kurymā pīsadola 18 grupys. Pīcys grupys, kas atbalsteituoju bolsuojumā sajims vysvaira bolsu, 9. decembrī kuops iz kluba NABAKLAB skatuvis Reigā, kab muzykali ceineitūs par jaunu grupu atteisteibā tik svareigom lītom: dzīsmis īrokstu KS RECORDS studejā, kaudzi naudys i bolvom nu RockDistribution.

Bolsuošona īs leidz novembra beigom, tymā var pīsadaleit sevkurs portalā draugiem.lv registrāts lītuotuojs, bolsojūt reizi dīnā. Ka gribi atbalsteit puišus, tod BUOLSUOŠONA ITE

KRAMPIS Upītes Uobeļduorzā – dzīsme ar Ontona Slišāna vuordim (2011)

KRAMPIS raidejumā par festivalu “Muzykys Skrytuļs”

Kartenis nu grupys arhiva