Bolvu nūvoda pošvaļdeibys Izgleiteibys, kulturys i sporta puorvaļde sadarbeibā ar Bolvu Kulturys i atpyutys centru aicynoj īdzeivuotuojus izviertēt sevkurys kulturys īstuodis rodūšūs cylvākus i aktivitatis i dasaceit jūs Kulturys goda bolvai 2012 “Myusu lapnums”.

 Goda bolvai var dasaceit sevkurys kulturys īstuodis aktivitatis voi darbinīku – tautys, saīta, kulturys nomu, biblioteku, muzeju, muzykys i muokslys školu, privatpersonu i sabīdrisku organizaceju, kura īprīkšejā godā nav sajiemuse Goda bolvu konkretajā nominacejā i aizvadeituo goda laikā kulturys nūzarē ir padariejuse kvalitativu, rodūšu, mierktīceigu dorbu nūvoda sabīdreibys izaugsmei.

Dasaceituos personys voi personu grupys var pretendēt iz nominacejom:

 *Goda cylvāks kulturā;

*Goda pasuokums (īkštelpuos organizēti pasuokumi, konkursi, izstuodis…);

*Goda pasuokums (breivdobā organizēti pasuokumi).

 Dasacejuma anketa i nūlykums pīejams Bolvu nūvoda pošvaļdeibys sātys lopā www.balvi.lv, Izgleiteibys, kulturys i sporta puorvaļdē, Bolvu Kulturys i atpyutys centrā, Bolvu centralajā bibliotēkā, pi Tautys nomu i Saīta nomu vadeituojim i pogostu puorvaļdēs.

Aizpiļdeituos dasacejuma anketys juoīsnādz da 2013. gods 8. martam Bolvu nūvoda Izgleiteibys, kulturys i sporta puorvaļdē (Sporta īlā 1) voi pi pogostu kulturys dorba organizatorim.