Pyrma šaļts grupa “Dabasu Durovys” sovus atbalsteituojus aicynuoja podturēt grupys centīņus tikt spēlēt iz festivalu “LMT Summer Sound”, kas ituos nedelis golā byus Līpuojā.

Niu “Dabasu Durovys” prīceigi viestej, ka ar sovu atbalsteituoju podturiešonu tys izadeve i nūpeļneita daleiba festivalā Līpuojā, kur iz skotuvis tei kuops 12. julī 18:30. Lels paļdis vysim atbaļsteituojim par aktivitati!

Konkursā par tikšonu iz festivalu “Summer Sound” pīsadaleja 14 grupys i “Dabasu Durovys” ir vīna nu pīcom, kas tyka iz pošu festivalu. “LMT Summer Sound” grupa turpynuos konkursu ar saceņseibu jaunūs grupu konkursā “F**K THE SILENCE” iz “Sound factory” skotuvis. Konkursa golvonuo bolva ir dzīsmis īroksts profesionalajā skona īrokstu studejā “Sound Division”.

Vaira informacejis par festivalu: www.summersound.lv

Piec Līpuojis festivala grupa “Dabasu Durovys” otkon koncertēs Latgolā. 27. julī tei byus dzierdama Annys dīnys pasuokumā Dagdā.