Itūgod Latgolys pūdnīku dīnys nūtiks nu 24. apreļa leidz 26. apreļam.

24. aprelī

10.00-14.00 Atvārtūs durovu dīna Olgys i Valda Pauliņu keramikys darbneicā Kruoslovā, Dyumu ūļneicā 8.

12.00-18.00 Atvārtūs durovu dīna i raku cepļa dadzynuošona Daugovpiļs Muola muokslys centrā.

17.00-20.00 Reducātuos keramikys cepļa kurynuošana keramiķa Jura Krompāna darbneicā Rēzeknis nūvoda Griškānu pogostā, Niperovā.

25. aprelī

9.00 Reducātuos keramikys cepļa atvieršona keramiķa Jura Krompāna darbneicā.

11.00 Rēzeknē, Latgolys Kultūrviesturis muzejā, kultūrizgleitojūšs seminars “Virtuālais muzejs: Latgales keramikas aspekts”. Ar seminara programu var īsapazeit ite.

17.00-21.00 Keramikys cepļa kurynuošona i fotokluba “Artērija” pleners Andra Ušpeļa darbneicā Rēzeknis nūvoda Griškānu pogosta “Muoldedžūs”.
Pasuokuma gaitā byus īspieja sekuot leidza keramikys meistaru paraugdemonstriejumim, izzynuot vaira par apdadzynuošonys tehnologeju lītuojumu cepļūs, klauseitīs pūdnīceibys meistaru stuostūs, puorsalīcynuot par sakruotuos dorba, prasmu i zynuošonu pīredzis boguoteibu.

26. aprelī

10.00 Andra Ušpeļa darbneicā “Muoldedži” keramikys cepļa atvieršona.

12.00 Rēzeknis nūvoda Sakstagola pogostā, F.Trasuna muzejā “Kolnasāta” – keramikys izstuodis i fotokluba “Artērija” bīdru i draugu izstuodis “Uguns” atkluošona.
Izstuodē Latgolys pūdnīceibys meistari pīsadaleis ar pādejā godā darynuotajim keramikys traukim, byus apsaverama reducietuo aba tai saucamuo malnuo keramika – virpuoti i lepeiti trauki, kasdīnā lītojamuo i dekorativuo keramika.

Latgolys pūdnīku dīnys 2014 reikoj Rēzeknis nūvoda pošvaļdeiba, Latvejis Nacionalais kulturys centrs, tautys lītiškuos muokslys studeja “Rēzeknes apriņķa pūdnīki” i Latgolys Kulturviesturis muzejs.