Pīduovojom LaKuGys skaiteituoju viereibai jaunuokū grupys „Galaktika” video klipu dzīsmei „Laika prognoze reitdīnai” („Laika prognoze rītdienai”).

Video klips dzīsmei fiļmāts kompleksā „Bāka” pi Lobuona azara. Grupa ar dzīsmi „Laika prognoze rītdienai” startej ari ituos sezonys raidejuma „Latvejis Šlageraptauja” topā. 2010./2011. goda sezonā grupa Šlageraptaujis kūpviertejumā īgiva gūdpylnū trešū vītu ar dzīsmi „Rāzna”. Kaids nu tyvuokim „Latvejis Šlageraptaujis” raidejumim tikšūt veļteits taišni grupai „Galaktika”.

Grupa „Galaktika” ir nu Rēzeknis i kūpā spielej jau vaira kai 6 godus, koč ari grupys pyrmssuokumi meklejami aptuveni pyrma 15 godu, kod beja taida grupa kai „Laineri”.

Par dzīsmi var saceit, ka vyss jaunais ir labi aizmiersts vacais – dzīsmis latgaliskuo verseja „Laika prognoze reitdīnai”, kū izpiļdeja muokslenīks vuordā Trojs, īkļauta ari Latgolys Radejis izlasē Nr. 1, kas izdūta 2007. godā.

.

Galaktika – Laika prognoze rītdienai / VIDEO

.

Trojs – Laika prognoze reitdīnai

.

Karteņa – grupys publicitatis materiali