28. junī Ruguoju nūvoda estradē nūtyka deju festivals “Lustīgs šur, lustīgs tur”. Ruguoju nūvoda VPDK “Rugāji” festivalu “Lustīgs šur, lustīgs tur” reikuoja jau trešū reizi, lai ļusteigi sasadoncuotu ar draugu kolektivim nu vysom Latvejis molom.

Festivalā sasadoncuoja:

Drycānu pogosta VPDK “Jumalēni” – vadeituoja Silvija Bokta; Jaunalūksnis pogosta VPDK “Kolberģis” – vadeituoja Laila Jirgensone; Litenis pog. VPDK “Ratenieki”- vadeituoja Dina Markova; Alūksnis nūvoda Jaunannys pogosta SDK “Oga” – vadeituoja Aiva Vilciņa; “Ezerrieksts” nu Ruguoju (vadeituoja Lucija Bukša)  i Ruguoju nūvoda vsk. JDK (vadeituoja Astrīda Circene); Keguma tautys noma senioru deju kūpa “Ķegums” – vadeituojs Jurs Driksna.

Juopīmiņ DK “Rugāji” uztycamuokī draugi – deju kolektivs “Jumalo” nu Drycānu (vadeituoja Silvija Bokta), ar kū regulari sasateikam divejis reizis godā – vīnreiz pi mums, ūtrreiz Dycānūs. Kai ari atraktivī “Sanācēji” nu Smiļtinis (vadeituoja Anda Kalniņa), kas kotru reizi puorsteidz ar sovu tārpu i repertuara dažaideibu.

Pasuokumu naparostu dareja Benislovys etnografiskais ansamblis (vadeituoja Regīna Čudarāne), kas kotru kolektivu apdzīduoja, kotram veļtejūt eipašus vuordus
Secynuojums vīns – labi, ka ir tik daudz draugu pi kuo vysa goda garumā ir īspiejams aizbraukt koncertēt.

Roksta autore: Lucija Bukša

Kartenis autors: Juoņs Raksteņš