Latgolys entuziasu grupa „BIĻDIS”  ituo goda 19. februarī nu 9 stuņžu reitā reikoj aktīru atlasi iz lūmom tūpūšajā kinā „Vīna vosora deļ vysu”. Atlase nūtiks Latgolys Regionaluos televizejis studejā (Rēzeknē, 18. novembra īlā 41, 3. korpuss).

.
Īsarast iz atalsi ir aicynuots sevkurs, kam ir iņteress par aktīra dorbu kino nūzarē i piec poša puorlīceibys pīmeit ari aktīra talants.

.
Tūpūšuos kinys režisors Edgars Blinovs, kas jau izapeļniejs atpazeistameibu ar dorbu pi kinys „Latgolys laikadečs” 2011. goda pavasarī, pošušaļt ir izsuocs sagataveišonys procesu sovai jaunajai kinai „Vīna vosora deļ vysu”. Kai soka Blinovs – „Projekta ideja roduos piec veiskmeigi realizātuo īprīškejuo projekta. Ir gribiešona dorbu turpynuot, rodūt interesantu muokslys kinu par šudiņdīnys Latgolu, tuos cylvākim i jūs problemom myusdīnu pasauļā”.

.
Kinys sižets viesteis par vīnys saimis dramu. Pusmyuža vacuma sīvītei vuordā Santa, kas dzeivoj kūpā ar sovu saimi mozā Latgolys vīnsātā, navā nikuo duorguoka par juos divim bārnim i mozmeiteņu Dzintru, nu na vyss it tik spūži i saulaini kai varātu ruodeitīs…

.
Vaira dazynuošonai par aktīru atlasi raksteit iz bildis@inbox.lv ci zvaneit 26128599.
.
Informaceju sagatavieja: Laura Sondore, kinys „Vīna vosora deļ vysu” i Latgolys entuziastu grupys SA menedžere

Karteņa: Latgolys entuziastu grupys “Biļdis” publicitatis materiali