Ludzys nūvoda dūme īceriejuse izveiduot unikalu vidis dizaina objektu – Lūcejis skulpturu, kas veicynuos Ludzys atpazeistameibu i byus palīkūša piļsātvidis tāla sastuovdaļa. Pošvaļdeiba aicynoj pīduovuot sovys idejis atkluotajam skiču konkursam “Mozuos arhitekturys formys – Lūcejis skulpturys skiču projekta izstruode”. Konkursa rezultātā byus izvālāts originaluokais i atbylstūšuokais skiču projekts Lūcejis skulpturai. Piec tam īceri paradzāts realizēt metalā i izvītuot skulpturu Ludzys piļskolnā.

Legenda viestej, ka Ludzys piļsāta ir nūsaukta par gūdu Lūcejai – senejuos piļs saimineicai. Lūcejis vuords ir nūstuostu i nūslāpumu apveits.

Konkursā aicynuoti pīsadaleit arhitekti, profesionali izgleituoti tielnīki voi muokslinīki, autoru kolektivi, kai ari atbylstūšūs nūzaru augstškolu vacuokūs kursu studenti. Lobuokuos skicis autoram tiks pīškierta naudys bolva 800 eiro apmārā.

Autori konkursa dorbus ir aicynuoti īsnīgt leidz 2014. goda 28. novembra 16.00. Ludzys nūvoda pošvaļdeibā, Raiņa īlā 16, Ludzā, Ludzys nūvodā, 312. kabinetā. Īsnādzamūs skiču skaits nav īrūbežuots, tok kotrs īsnāgtais pīduovuojums juonūformej atseviški nūlykumā nūteiktajā kuorteibā.

Konkursa nūlykums

Karteņa: ludza.lv