Leidz 27. decembram Preiļu viesturis i lītiškuos muokslys muzejs pīduovoj Jezupa Pīgožņa jubileja izstuodi “Kruosys, linejis i formys” Preiļu kulturys noma izstuožu zalā (Raiņa bulvarī 28).

Tuos ir kruosys dobā, kruosys myusūs, kruosys iz audakla i iz papeira. Kruosys ar nūzeimi “nūskanis” i ar nūzeimi “raksturuojums”. Līnejis storp dabasim i zemi, dzeivis linejis, sižeta linejis, linejis kai vaibsti i linejis kai gaismys stori.

Izstuodē apsaverami muokslinīka pādejūs desmit godu laikā topušī dorbi – glaznys, kuruos pasaruoda Latvejis ainovys dažaidūs goda laikūs, mozpiļsātu skoti, gon cyti motivi, tymā storpā tuoļuoku ceļuojumu īspaidi. Izstuodi papyldynoj ari muokslinīka personeiguos lītys: molberts, kruosys, ūtys, kruosu paletis i cyti dorba instrumenti nu Preiļu viesturis i lītiškuos muokslys muzeja kruojuma.