Bolvu Nūvoda muzejs izsludynuojs karikaturu konkursu „A pi myusu – Latgolā…” (A pie mums – Latgalē…). Konkursa tema – „Iz dzeivis”. Konkursā var pīsadaleit sevkurs grybātuojs nu 3 leidz 133 godu vacumam. Kotrs autors var īsnīgt ni vaira kai 3 dorbus, kas īsnīdzami A4 formatā leidz 2012. goda 27. martam.

Karikaturys vērtēs žureja divuos kategorejuos: amatīri i profesionali. 1. aprelī 13:00 muzejā tiks atkluota konkursā īsnīgtūs karikaturu izstuode.

Karikaturys dreikst byut ari īprīšk publicātys. Dorbi leidz 27. martam juoīsyuta Bolvu Nūvoda muzejam: pa postu iz adresu Breiveibys 46, Bolvi, Bolvu nūvods, LV 4501 ci e-postu muzejs@balvi.lv

Žurejis sastuovs:

Karikaturiste Gaļina Gruziņa,

Muokslineica, karikatūriste Niola Nagaine,

Muokslineica, Bolvu muokslys školys direktore Elita Teilāne,

Muokslineica Astra Ločmele – Ambarova,

Muokslineica Eva Vinogradova.

Vaira dazynuošonai interesētīs pa teleponim 64521430 ci 26191243 (Gaļina Gruziņa)