Jau viestejom, ka naseņ bīdreiba „Latgalīšu volūdys centris” sadarbeibā izdevnīceibu „Byumani” izdavuse latgalīšu tautys puorsoku „Duraceņš īsmīdynoj kieneņa meitu” kruosojamuos grumotys formatā. Kotrā gruomatenis loppusē ir ilustraceja i puorsokys fragments.

Kai informej vīns nu gruomotys idejis iniciatorim Aņss Ataols Bierzeņš, dorbs pi gruomotys sagataveišonys aizsuokts jau 2008. godā. Bīdreiba raudzeja pīsaisteit finansiejumu projektu konkursūs, nu bez panuokumim, par tū gruomotenis izdūšonā pīsaisteiti privatī leidzekli.

Bīdreiba “Latgalīšu volūdys centris” planavoj duovynuot Latgolys bārnim kruosojamū gruomotu „Duraceņš īsmīdynoj kieneņa meitu”, nu ītūšaļt tryukst leidzekļu, par tū aicynoj zīduot itai īcerei.

„Latgalīšu volūdys centris” cer sasadorbuot ari ar Latgolys pošvaļdeibom, ar kuru finansialu atbolstu byutu īspieja gruomotu duovynuot pošvaļeibys bārnim.

Gruomatenis veiduošonā pīsadalejuse muokslineica Marita Maizeite, literarais redaktors Armands Kūceņš i redaktors Aņss Ataols Bierzeņš.

Reigā gruomotys atvieršona nūtiks 24. februārī 18:00 stuņdēs Baļtejis Storptautiskuos akademejis bibliotekā Lomonosova ūļneicā 1/4, 3. stuovā.

Zīduojumu sajiemieja rekviziti: Bīdreiba LVC, registracejis numers 40008113042, A/S Privatbank, konta Nr. LV60PRTT0256019507000, “Deļ izdūšonys latgalīšu bārnu gruomotu”.

 Viesti sagataveja: LaKuGa