Sovvaļnīka dzīsmis “Sasper zibini besus” koncertvideo
Latgalīšu rokmuzikis Sovvaļnīks sovim atbaļsteituojim pīduovoj dzīsmis „Sasper zibini besus” koncertvideo verseju.
Dzīsmis koncertvideo versejis pamatā ir festivala „Muzykys skrytuļs” vokora/nakts koncerts, kas nūtika 2011. goda julī Daugpiļs nūvoda Leiksnā. Tymā Sovvaļnīks (Ingars Gusāns) iz skatuvis kuope ar 38,6 gradu lelu temperaturu, nu izturieja, pasasokūt syltajam publikys atbolstam.
Dzīsmis „Sasper zibini besus”, kurys vuordu autors ir Ontons Kūkuojs i tei īkļauta Sovvaļnīka ūtrajā albumā „Bolts susātivs”, koncertvideo verseji sataisiejs Ingus Amatnīks nu studejis „13mm”.
Sovvaļnīks soka lelu paļdis vysim atbaļsteituojim i car, ka video verseja byus lobys atminis par vosorys koncertu!
.
