Dorbi nu Naaizmierstulei veļteituo Latgolys lauku školu septeituo jaunradis dorbu konkursa.

Nellija Kurme, Aglyunys vydsškolys 12.b klase, školuotuoja Monika Pušņakova

Muoseņai!

„Maza, maza meitiņa,
Sārta, sārta kleitiņa.”

.
Tei esi tu,
muna mozo sauleite.
Tu, muns dzeivisprīceigais začeits,
pērleite muna.
Tu saulis stareņš,
kurš īnas gaismeņu.
Tu suorta ūdzeņa,
zaļā zareņā.
Tu spūža zveigzneite,
kas pi mienesteņa blokus speid.
Tu mamenis mozuo princeseite,
i tāva meiļuo meitiņa.

Tikai naapsavainoj muoseņ,
ka pateik tevi par mozū vai seikū saukt.
Tikai naapsavainoj, ka pateik tevi pakircinot.
Tys vyss nav aiz ļauna,
tys vyss ir aiz mīlesteibys pret tevi.

Paļdis par tovim nagaideitajim apskovīnim
I tovim syltajim vuordim.
Paļdis, mozuo, ka tu esi.

Meiļoju Tevi cīši, cīši!

Anita Igaune, Kuorsovys vydsškolys 7. klase, školuotuoja Ilona Cybuļska

Muna dzevis līsmeņa

Dag tymsā apzelteituo sveceite.
Tei līcinoj par breinumim,
Par kurim kotrs klusi dūmojom –
Par ticeibu, par cereibu, par mīlesteibu un
draudzeibu vysskaistuokū.

Es raugūs svecis līsmeņā
Un sirdī dzierdu dzīsmenis –
Par mīlesteibu, sapnim kūšim,
Par sirsneigim i lobim vuordim.

Mes kotrs asam kai līsmeņa,
Kas īsadegt spiej tymseņā.
Mes syldom sovys dvieselis
Ar skaistim vuordim, dzīsmeņom.

Es pasateicu Dīveņam par munu dzeivis līsmeņu,
Par tū, ka asmu šymā pasaulī
Ar meilim, tyvim cylvākim,
Kas mani mīļoj, syltumu maņ dūd.

Ilustracejis autore Inta Valaine