Kolnasāta 28. majā

Kolnasāta 28. majā

Latgolys multimuokslinīks Raibīs “Kolnasātys” studejā īsaroda ar lelu zaļu ceļasūmu. Juo dzeive niu paīt Pūlejā, kur piec nacionalistu īšonys pi varys nūteik strauja politiskuo vierzīņa maiņa. Teik runuots ari par Raibuo (eistajā vuordā Oskara Orlova) stuostu kruojumu “Zalta tesmini”.

Vuordineicā Arņs Slobožanins i Valentins Lukaševičs runoj par vuordu “tesmini”, kai ari cytim dzeivinīku mīsys daļu nūsaukumim, tūs vys vēļ izmontoj par simbolu puorpiļneibai.

Sovukuort Dace Dambe skaidroj streideigū vaicuojumu par kailciertem, kas jau pamateigai mainejušys Latvejis ainovu – kaidi ir augu i dzeivinīku īgivumi i zaudiejumi piec meža nūciersšonys, i vaicoj, voi ir īspiejams bez tuo iztikt i kai tū izdareit.

Kalenders

Mar
14
Pīk
14:00 Seminars par Latgolys kulturys p... @ tīšsaistē
Seminars par Latgolys kulturys p... @ tīšsaistē
Mar 14 @ 14:00 – 15:00
Latgolys regiona atteisteibys agentura izsludynuojuse Vaļsts kulturkapitala fonda mierkprogramys “Latvīšu viesturyskūs zemu atteisteibys programa” projektu konkursā atbaļsteituos Latgolys kulturys programys 2025 regionalūs kulturys projektu konkursu. Informativais seminars par projektu konkursu nūtiks 14. martā 14.00 stuņdēs,[...]