Grupa “Jauda” nu Leivuona pīduovoj sovys jaunuokuos dzīsmis “Vēju vīrs” videoklipu.

Kai portalam muzikaspasaule.lv stuosta grupys dalinīks Gatis Pastars, dzīsme radeita ituo gods suokuos. Piec tam ari rodusēs dūma, ka juotaisa video viejainā dīnā rudzu laukā, nu vysupyrma nav bejs skaidrys, kai dabuot vieja imitaceju i atrast rudzu lauku, kur varātu breivai dorbuotīs. Nu atsauceigs bejs Ramiss Aļijevs nu SIA “Rudzāts”, atļaunūt reikuotīs vīnā nu sovu siejumu, kai ari eistajā laikā Latvejai puori guojuse vātra.

Grupys pamatsastuovā ir treis leivuonīši ar vairuoku godu skotuvis pīredzi. Vokalists i basgitarists Daiņs Paeglis ir spieliejs grupuos “Krampis”, “Straume”, kai ari itūšaļt voda folklorys kūpu “Rūžupis veiri”, bundzinīks i perkusionists Daniels Levickis nazkod spielēja grupā “Velvet”, nu gitarists i grupys menedžers Gatis Pastars ir bejs grupu “Bez Aira”, “Airi” i “Straume” dalinīks.