Rēzeknis Muokslys i dizaina vydsškolys izstuožu zalā da 11. novembra apsaverama Leonida Važnuo fotoizstuode “Test of the city”, informej pats muokslinīks.

Izstuodis projekts muokslys fotografejā “Test of the city” ir veiduots asociativuos fotografejis žanrā, kas ir baļsteits iz piktorealuos fotografejis pamata.

Asociativuos fotografejis byuteiba ir tei, ka autors izmontoj vizualuos izteiksmis leidzekļus, veidojūt kadru: kompozicejis pryncypus, tālaineibu, idejiskū saturu, kai ari tehniskūs pajiemīņus (kolažu, attālu savīnuošonu, izmontojūt vysaida veida nastandarta optiku). Tys vyss kūpā veidoj eipašu attālu, kurs spiej uzrunuot skateituoju, autora aizdavums ir īlikt attālā dūmu voi ideju, kurū jis gryb dūt skateituojam.

Izstuodis autors Leonids Važnais ir fotografs i fotografejis pasnīdziejs. Studiejs modernū muokslu Eiropys humanitarajā universitatē Viļņā. Īmīļuotuokais vierzīņs fotografejā – piktorealisms i asociativuo fotografeja, dorbojās daudzuos eksperimentaluos fotografejis jūmuos: fotogleznīceiba, analoguo retro fotografeja, gaismys ūta.