Vakar izsuokuse dorbu i leidz reitdīnai, 20. apreļam nūtiks Daugovpiļs Universitatis starptautiskuo zynuotniskuo konference, kurū organizej Daugovpiļs Universitate i Daugovpiļs Universitatis Jaunūs zynuotnīku asociaceja.

Ituo goda konferencē pīsadola 598 dalinīku nu 12 vaļstu augstškolom i pietnīciskim centrim. Konferencis laikā teik organizātys 39 dorba grupys eksaktūs, humanitarūs, izgleiteibys, muokslys i socialūs zynuotņu sferuos. Konferencē byus prezentāti 378 zynuotniskūs pietejumu rezultati, kurī piečuok byus apkūpuoti Daugovpiļs Universitatis 54. starptautiskuos konferencis materialu kruojumā.

Šudiņ, 19. aprelī nūtika zynuotniskuos konferencis plenarsiede, kurys laikā ar atkluotom lekcejom par Latgolys kulturviesturis i volūdys vaicuojumim izastuoja Daugovpiļs Universitatis Goda bolvys zynuotnē īgivieji DU Humanitaros fakutlatis dekane Valentina Līpa (Valentīna Liepa) par „Latgolys tielnīka Ontona Rancāna skatejumu iz Latvejis socialū i politiskū dzeivi” i DU Latvīšu literaturys i kulturys katedrys docents Valentins Lukaševičs par „Latgalīšu sovpateigū leksiku i rakstnīka dorbu”.

Taipat reitu, 20. aprelī, nu 9:00 – 14:00 dorba grupys „Latgolys paguotnis vaicuojumi myusdīnu zynuotnīku skatejumā” dorba parādā tiks stuosteits par daudzi i dažaidim vaicuojumim, nūtykšonom i vītom Latgolys viesturē.

Vysa konferencis programa zamuok.

Vaira par konferenci verīs: http://dukonference.lv

Karteņā nu DU arhiva

DU 54. Zynuotniskuos Konferencis Programa