Puordūts latgaliskais veikals “Ūga”
Paguojušuo goda nūgalī puordūts Preiļu latgaliskais lelveikals “Ūga”, portalam lakuga.lv apstyprynuoje tuo bejušī saiminīki. 15. janvars beja Zīmeļu saimis pādejuo dīna “Ūgā”.
“Ūga” beja klivuse par preilīšu i piļsātys gostu tikšonuos vītu, par Latgolys i latgaliskuo vizeitkarti. Atpazeistameibu veikals īmantuoje taišni latgaliskuos identitatis dieļ – piercieju uzmaneibu pīsaisteja stendu uzroksti latgalīšu volūdā, Latgolys amatnīku i muojražuotuoju stends, ari dažaidys kulturys nūtikšonys. Pārn “Ūgys” bejušī saiminīki Ingūna i Aigars Zīmeli sajēme Latgalīšu kulturys goda bolvu “Boņuks 2016” kai goda saiminīki par nūzeimeigu īguļdejumu latgalīšu kulturys, dzeiviszinis, tradiceju i volūdys atteisteibā. 2017. godā t/c “Ūga” nūsvieteja ostoņu godu pastuoviešonys jubileju.
Lelveikala jaunī eipašnīki itūšaļt publiski nav zynomi, nu kai nūruoda Aigars Zīmelis, jaunī eipašnīki tyvuokajā laikā naasūt planavuojušs lelys izmainis, lelveikalā palikšūt leidzšinejī nūmnīki i turpynuošūt snīgt pakolpuojumus. Sovpus puortykys veikalu sagaidūt byutiskuokys izmainis, nabyušūt Latgolys amatnīku i muojražuotuoju stenda “Latgolys Ūga”. A. Zīmelis nūruoda, ka ari jaunajā puortykys veikalā tikšūt pījimtys “Latgalīša ID kartis” i klienti sajimšūt atlaidi.
Lāmumu puordūt “Ūgu” ītekmiejušs vairuokys lītys – globaluos ekonomiskuos tendencis, cylvāku parodumi, kuri mainūtīs na par lobu vītejam uzjiemiejam, cylvāku migraceja, navīnmīreiguo cylvāku koncentraceja Latvejā, i puori vysam natuoļredzeigi vītejūs politiķu lāmumi, soka A. Zīmelis.
Zīmeļu saime sovus spākus i laiku kūpā ar dūmubīdrim nūlāmuse veļteit Preiļu Breivuos školys atteisteibai, ar ituo goda septembri tū nu Prīkulim planavuots puorcelt iz Preilim.
Video: “Latgolys Ūgys” atkluošona 2016. goda 22. junī
Viesti sagataveja: lakuga.lv
“…i puori vysam natuoļredzeigi vītejūs politiķu lāmumi, soka A. Zīmelis”, zinot novada domes sēžu balsojumus, tieši Zīmeļa kungs ir netālredzīgs pilsonis, kurš neatbalsta Preiļu pils restaurāciju, baseina izveidi, Rietumu ielas būvniecību, apļveida krustojumu Brīvības un Rīgas ielas krustojumā, protams, virknē citu lēmumu, kas saistās ar tālredzīgu un uz infrastruktūru attīstošu virzienu.
“…i puori vysam natuoļredzeigi vītejūs politiķu lāmumi, soka A. Zīmelis”, zinot novada domes sēžu balsojumus, tieši Zīmeļa kungs ir netālredzīgs pilsonis, kurš neatbalsta Preiļu pils restaurāciju, baseina izveidi, Rietumu ielas būvniecību, apļveida krustojumu Brīvības un Rīgas ielas krustojumā, protams, virknē citu lēmumu, kas saistās ar tālredzīgu un uz infrastruktūru attīstošu virzienu. Viņam reiz būtu jāpasaka paldies novada domei par atbalstu, kas ir sniegts šo gadu laikā gan uzņēmējdarbības attīstībai, gan privātās skolas attīstībai, nevis jāapmelno un jāklaigā pa Pasauli kā bezmugurkaulnieks.