Roksta autors: portals lakuga.lv

Leivuona nūvoda Rūžupē 17. augustā jau 22. reizi nūtiks Kuozu muzykantu festivals, pulcynojūt muzikus, kuri nūspieliejušs vysmoz vīnys kuozys, informej festivala organizatore Sanita Pinupe.

Jau nu 1996. goda Rūžupis kulturys noms kotru godu augusta mienesī reikoj kuozu muzykantu festivalu. Kotru godu festivalam dūd kaidu temu, itūgod tei byus kuozu jubileji. Pasuokuma laikā sumynuos Leivuona nūvoda stypruos saimis kuozu jubilejūs, klauseituoji varēs dzierdēt tradicionalu i natradicionalu instrumentu skaniejumu, apsavērt izstuodi “Kāzu stāsti”, bolsuot par sev teikamuokajim kuozu muzykantim i izadoncuot leidz reita gailim kūpā ar Normundu Jakušonoku i grupu “Karakums”.

Pasuokuma organizatori aicynoj muzikus i muziku grupys leidz 11. augustam pīsaceit daleibu festivalā, kai ari izsludynoj breivpruoteiguo dorba vakaņcis. Ar Leivuona nūvoda dūmis i sponsoru atbolstu Rūžupis estrade kotru godu uzjam jaunus i pīredziejušs kuozu muzykantus, kuri sasaceņš konkursā, izruoda sovu dzīduot prasmi i muziciešonu. Vaira informacejis livani.lv.

Lejupluodēt festivala nūlykumu i pīteikuma anketu.