26.aprelī Drycanu vydsškolā  7. -11.klašu školāni tykuos ar bīdreibys  „Latgolys Studentu centrs” četrim studentim, kuri struodoj pi projekta „Vuiceisimēs latgalīšu rokstu volūdu” . Studenti vuiceja Drycanu jaunīšim latgalīšu rokstu volūdu. Nūtyka gon poša apvuiceiba, gon spēlis i konkursi.

Školānim i školuotojim beja patīsa interese i prīca golvonojūs viļcīņūs īsapazeit ar latgalīšu rokstu volūdys raksteibys principim, drupeit paraudzeit raksteišonu ari pošim.

Kotrs klauseituojs sajieme izdalis materialu i aplīceibu, ka ir jiems daleibu projekta ītvorūs reikuotajā latgalīšu rokstu volūdys apvuiceibā „Vuiceisimēs latgalīšu rokstu  volūdu vīnuvīt!”
Lels paļdis Dagnejai, Evai, Zaigai par interesantū apvuiceibu i konkursim! Lai veiksme i izadūšonuos projekta eistynuošonā!

Tai roksta Drycanu vydsškolys latgalīšu puļceņa “Pyrmī osni” školuotuoja Velta Adijāne. Latgalīšu rokstu volūdys stuņdis dažaiduos Latgolys vītuos projektā Vuiceisimēs latgalīšu rokstu volūdu” ar Kulturys ministrejis atbolstu turpynojās i jau reitu, 10. majā apvuiceiba nūtiks Rēzeknē – 14:00 Rēzeknis Pūļu vydsškolā i 17:00 bīdreibys “Latgolys Studentu centra” birojā (Atbreivuošonys alejā 115).

Karteņos – latgalīšu rokstu volūdys apvuiceiba Drycanūs.