Rokstu sagataveja: portals lakuga.lv

Apguods “Jumava” izdevs Latgolā dzeivojūšuo pūļu muižnīka Gustava Manteifeļa gruomotu “Poļu Inflantija”. Tys ir vīns nu nūzeimeiguokūs dorbu, viesturis olūtu, kas atkluoj Latgolys viesturi.

Gustavs Manteifeļs (1932–1916), byudams pūļu muižnīks, sevi i sovu dorbu veļteja Latgolai i latgalīšu volūdys atteisteibai. G. Manteifeļs dorbuojīs kai viesturnīks, izdeviejs, etnografs, goreigūs dzīšmu melodeju autors i latgaliskūs kalendaru tradicejis īdybynuotuojs, folklorys apkūpuotuojs, interesiejīs par tautys tradicejom, muokslu, literaturu i volūdnīceibu. Nūsadarbuojs ari ar gruomotu izdūšanu, raksteišonu i tulkuošonu latgalīšu volūdā. Tulkuojs Beibelis stuostus, lyugšonys, svātūs dzeivis stuostus, izdevs pyrmū riekinuošonys vuiceibu gruomotu latgalīšu volūdā.

Apguods “Jumava” nupat pūliski i latviski izdevs G. Manteifeļa gruomotu “Poļu Inflantija”. Par jaunū izdavumu Pūlejis viestneica Latvejā Monika Mihališina soka: “Koč ari 19. g.s. pietnīks sovā dorbā naizteik bez subjektivisma devys, tūmār tys ir cīši nūzeimeigs viesturisks olūts, kas aproksta latvīšu zemu viesturi. Asmu dzili puorlīcynuota, ka divejuos volūduos izdūtuo Manteifeļa gruomota “Poļu Inflantija” na tikai spēs īpazeistynuot ar viesturis nūtykumim i regiona multikulturaluos identitatis bogoteibu, bet ari pamudynuot pūļu i latvīšu viesturnīkus iz dziļuokim pietejumim.”