Rokstu sagataveja: portals lakuga.lv

Latgolys regiona atteisteibys agentura (LRAA) izsludynojuse Vaļsts kulturkapitala fonda mierkprogramys “Atbalsts kultūras programmām reģionos” atkluotu projektu konkursu “Latvijas valsts mežu un Valsts kultūrkapitāla fonda atbalstītā Latgales kultūras programma 2022”, viestej informaceja sātyslopā visitlatgale.com.

Konkursa mierkis ir veicynuot kulturys daīmameibu sabīdreibai Latgolys regionā, finansiali atbolstūt nūzeimeigus kulturys projektus, kas veicynoj Latgolys kulturvidis, vierteibu i tradiceju saglobuošonu i atteisteibu.

Projektu dasacejumus, saskaņā ar konkursa nūlykumu, var īsnīgt elektroniska dokumenta formā voi papeira formā. Projektu dasacejumi elektroniska dokumenta formā (paraksteits ar drūsu elektroniskū parokstu i aplīcynuots ar laika zeimūgu), juonūsyuta LRAA iz e-posta adresi kultura@latgale.lv da 2022. goda 31. marta 23.59 stuņdem. Projektu dasacejumi papeira formā juonūsyuta pa postu (ar nūsacejumu, ka posta zeimūgs ir na vāluok par 31.03.2022.) iz adresu – Latgolys regiona atteisteibys agentura, Saulis īla 15, Daugovpiļs, LV-5401.   

Projektu eistynuošonys laiks ir nu 2022. goda 3. maja da 2022. goda 15. decembra.

Vaļsts kulturkapitala fonda mierkprogramys “Atbalsts kultūras programmām reģionos” projektu konkursa “Latvijas valsts mežu un Valsts kultūrkapitāla fonda atbalstītā Latgales kultūras programma 2022” nūlykums i dasacejuma veidlopa daīmami ITE.

Informativais seminars par projektu konkursu nūtiks 17. martā 14.00 stuņdēs Zoom platformā.

Uzzinis par projektu konkursu var sajimt Latgolys regiona atteisteibys agenturā, t. 65420257.