Atkluos “Bez PVN” dzīsmei “Jau ni mes” veļteitu fotoizstuodi
Rokstu sagataveja: portals lakuga.lv
Sevkurs interesents ir aicynuots apmeklēt fotokonkursa “JAUNA ELPA” ceļojūšuos izstuodis atkluošonys pasuokumu sastdiņ, 11. martā, 15.00 stuņdēs LKA Latvejis Kulturys koledžā, Bruninīku īlā 57, Reigā, informej izstuodis organizatoris Zanda Stabiņa i Karīna Patmalniece.
Ituo gods februarī nūtyka fotokonkurss, kas reikuots kai LKA Latvejis Kulturys koledžys studentu kursa dorbs. Kab pīsadaleitu fotokonkursā, dalinīkim kai īdvesmis olūts beja juoizmontoj grupys “Bez PVN” dzīsme “Jau ni mes”. Grupa byus kluotyn ari izstuodis atkluošonys pasuokumā.
Fotokonkursa mierkis – sekmēt pozitivu atpazeistameibu i popularitati na tik pošai muzykys grupai, tok ari latgalīšu kulturai vysā Latvejis teritorejā, tai saglobojūt latvyskuos kulturtelpys unikalitati i boguoteibu vysā tuos daudzveideibā, kai ari radeit vareibu sevkuram izpaust sovus talantus fotomuokslā.
Konkursā pīsadaleja dalinīki ar vaira nakai 60 dorbim. Žurejis komiseja, kuruos sastuovā beja Aleksandra Devin, Lāsma Lopatko i Edgars Sparāns izavielēja lobuokūs 15 dorbus, kuri teik īkļauti fotoizstuodē. Tuos atkluošonys laikā tiks padūtys bolvys lobuokūs dorbu autorim. Piečuok izstuodi varēs apsavērt dažaiduos Latvejis vītuos.
