Rokstu sagataveja: portals lakuga.lv

14. oktobrī 18.15 vokorā Latvejis Radejis Latgolys studeja, latgalīšu kulturys kusteiba “Volūda” i latgalīšu kulturys ziņu portals lakuga.lv septeitū reizi aicynoj raksteit pasauļa diktatu latgalīšu rokstu volūdā. Ituo gods diktatā aktrise Katrīna Griga skaita pyrmuo komiksa bārnim latgaliski “Sunāns breiveibā”, portala lakuga.lv redaktoris Laurys Melnis eipaši diktatam saraksteitū tekstu.

Diktata teksts sastateits, īvārojūt Vaļsts volūdys centra 2007. godā apstyprynuotūs Latgalīšu raksteibys nūsacejumus, kuri daīmami ITE. Diktatā pīļaunama divskaņa “uo” apzeimuošona ari ar “ō”.

Diktatu var raksteit ari tīšsaistis formā i īsnēgt klaidu puorbaudeišonai http://ej.uz/LTGdiktats2023 voi zam video.

Pīroksti diktatu, verūtīs video, i piečuok puorbaudi pīraksteitū tekstu, kas byus daīmams par reizi piec diktata nūslāguma ITE.

Diktata nūtikšonu finansiali atbolsta Sabīdreibys Integracejis fonds nu Kulturys ministrejis daškiertūs Latvejis vaļsts budžeta leidzekļu latgalīšu kulturys kusteibys “Volūda” projektā “Latgaliskuos kulturvidis styprynuošona: sabīdreiba, izpratne i īsaiste”.